Sobhita Dhulipala: हॉलिवूडच्या चित्रपटामध्ये झळकणार नागा चैतन्यची गर्लफ्रेंड; शोभिता धुलिपालाची जगभरात चर्चा!

मॉडेलिंग, साऊथ, बॉलिवूड आणि ओटीटीमध्ये आपल्या अभिनयाचा जलवा दाखवल्यानंतर शोभिता धुलिपाला आता हॉलिवूडमध्ये पदार्पण करणार आहे. देव पटेलसोबतच्या तिच्या आगामी चित्रपटाचा ट्रेलर नुकताच रिलीज झाला आहे.

'मेड इन हेवन', 'द नाईट मॅनेजर' आणि 'मेजर' सारख्या चित्रपट आणि वेब सीरिजमध्ये महत्त्वपूर्ण भूमिका साकारणारी शोभिता धुलिपाला आता आंतरराष्ट्रीय चित्रपटात काम करताना दिसणार आहे.

शोभिता 'मंकी मॅन' या हॉलिवूड चित्रपटात दिसणार आहे. या अभिनेत्रीचा हॉलिवूडमधील डेब्यू चित्रपट आहे. यासोबतच शोभिताने आता जागतिक स्तरावरील भारतीय कलाकारांच्या यादीत स्थान मिळवले आहे.

सध्या शोभिता धुलिपाला ही अभिनेता नागा चैतन्यसोबतच्या रिलेशनशिपमुळे चर्चेत आहे. दोघांनी अधिकृतरित्या या नात्याचा स्वीकार केलेला नाही. पण ते नेहमीच एकत्र दिसतात.

'मंकी मॅन’ या चित्रपटाचे शूटिंग भारतात झाले आहे. हा चित्रपट भगवान हनुमानाच्या कथेवर आधारित आहे. नुकताच या चित्रपटाचा ट्रेलर प्रदर्शित झाला.