‘कान फिल्म फेस्टिव्हल २०२४’मध्ये होणार मराठमोळ्या सिद्धार्थ जाधवच्या चित्रपटाचे स्क्रीनिंग
‘कान फिल्म फेस्टिव्हल २०२४’मध्ये होणार मराठमोळ्या सिद्धार्थ जाधवच्या चित्रपटाचे स्क्रीनिंग
May 17, 2024 03:03 PM IST
- मराठमोळा अभिनेता सिद्धार्थ जाधवच्या चित्रपटाचे ‘कान फिल्म फेस्टिव्हल २०२४’मध्ये स्क्रीनिंग होणार आहे
(1 / 4)
'कान्स फिल्म फेस्टिव्हल २०२४'ला नुकताच सुरुवात झाली आहे. या फेस्टिव्हलमध्ये अनेक अभिनेत्री हजेरी लावताना दिसत आहेत. अभिनेत्रींच्या लूकची चर्चा सुरु असतानाच आता आणखी एक आनंदाची बातमी समोर आली आहे. मराठमोळा अभिनेता सिद्धार्थ जाधवच्या चित्रपटाचे स्क्रीनिंग या फेस्टिव्हलमध्ये होणार आहे.
(2 / 4)
‘कान फिल्म फेस्टिव्हल’मध्ये सिद्धार्थ जाधवचा ‘हजार वेळा शोल पाहिलेला माणूस’ चित्रपट दाखवण्यात आला. तसंच १९ मेला देखील दाखवण्यात येणार आहे. यासंदर्भात सिद्धार्थने सोशल मीडियावर पोस्ट शेअर केली आहे.
(3 / 4)
”‘कान फिल्म फेस्टिव्हल’बद्दल खूप वेळा ऐकले होते. जेव्हा जेव्हा इथे आपला ‘मराठी सिनेमा’ गेलाय तेव्हा तेव्हा अभिमान वाटायचा. ‘कान फिल्म फेस्टिव्हल २०२४’मध्ये ‘हजार वेळा शोले पाहिलेला माणूस’ या चित्रपटाचे स्क्रीनिंग होत आहे आणि मी त्या सिनेमाचा भाग आहे. खूप आनंद झाला आहे.” असे सिद्धार्थ म्हणाला.
(4 / 4)
पुढे तो पोस्टमध्ये म्हणाला की, “‘कान फिल्म फेस्टिव्हल’मध्ये जिथे जगभरातून गौरविलेले सिनेमे येतात आणि बघितले जातात…तिथे आपल्या ‘मराठी सिनेमाचं स्क्रीनिंग होत आहे याचा मला खूप आनंद आहे…धन्यवाद ‘हजार वेळा शोले पाहिलेला माणूस’ चित्रपटाची टीम. खूप छान वाटतंय. असंच प्रेम ठेवा. हा सिनेमा लवकरात लवकर तुमच्यासमोर सादर व्हावा याची मी आतुरतेने वाट पाहतोय…लव्ह यू…थँक्यू…”
(5 / 4)
'कान्स फिल्म फेस्टिव्हल २०२४'मध्ये आतापर्यंत 'शार्क टँक' या कार्यक्रमामधील नमिता थापर, अभिनेत्री उर्वशी रौतेला, दिप्ती साधवानी, ऐश्वर्या राय बच्चन यांनी आपला जलवा दाखवला आहे. तसेच आरजे करिश्मासारखे नवोदित चेहरेदेखील यंदा कान्स फिल्म फेस्टिव्हलमध्ये जलवा दाखवताना दिसून येतील. मराठमोळी अभिनेत्री छाया कदमदेखील 'कान्स फिल्म फेस्टिव्हल'साठी रवाना झाली आहे. 'चलो कान्स' म्हणत चाहत्यांना तिने आनंदाची बातमी दिली.
इतर गॅलरीज