ICC Awards 2023 : मोहम्मद शमी ठरणार सर्वोत्तम वनडे क्रिकेटर? या ४ खेळाडूंमध्ये रंगलीय चुरस

 आयसीसीचे वार्षिक काही दिवसांत जाहीर होतील. आयसीसीच्या अधिकृत वेबसाइटला भेट देऊन चाहते त्यांच्या आवडत्या खेळाडूला मतदान करू शकतात. 

शुभमन गिलने २०२३ वर्षात सर्वाधिक धावा केल्या आहेत. त्याने २०२३ मध्ये २९ एकदिवसीय आंतरराष्ट्रीय सामने खेळले. यात त्याने १५८४ धावा केल्या. तसेच, त्याने २४ झेल घेतले. साहजिकच, टीम इंडियाच्या युवा सलामीवीराची वनडे क्रिकेटर ऑफ द इयर पुरस्कारासाठी निवड झाली आहे. 

विराट कोहलीही एकदिवसीय क्रिकेटपटू ऑफ द इयर पुरस्काराच्या शर्यतीत आहे. त्याने २०२३ मध्ये २७ एकदिवसीय सामन्यांमध्ये १३७७ धावा केल्या. या वर्षी विराटने १ विकेटही घेतली. तसेच, १२ झेल घेतले. कोहली २०२३ च्या एकदिवसीय विश्वचषकात सर्वाधिक धावा करणारा फलंदाज होता.

वर्षातील सर्वोत्तम एकदिवसीय क्रिकेटपटूच्या शर्यतीत मोहम्मद शमीदेखील आहे. २०२३ मध्ये शमीने १९ एकदिवसीय सामन्यांमध्ये ४३ विकेट घेतल्या. शमी वनडे विश्वचषकात सर्वाधिक बळी घेणारा गोलंदाज होता.

न्यूझीलंडचा स्टार अष्टपैलू डॅरिल मिशेल २०२३ च्या सर्वोत्कृष्ट एकदिवसीय क्रिकेटपटूच्या शर्यतीत आहे. तो तीन भारतीय स्टार्सना कडवी झुंज देईल. त्याने वर्षभरात २६ एकदिवसीय सामन्यांमध्ये १२०४ धावा केल्या. सोबतच त्याने ९ विकेट घेतल्या. मिशेलने २०२३ वर्षात १२ झेलही पकडले. म्हणजेच फलंदाजी, बॉलिंग आणि फिल्डिंगमध्ये त्याने दमदार कामगिरी केली.