Shekhar Suman net worth : भाजपमध्ये प्रवेश करणारे अभिनेते शेखर सुमन यांची संपत्ती किती? आकडा पाहून डोळे पांढरे होतील!
Shekhar Suman net worth : भाजपमध्ये प्रवेश करणारे अभिनेते शेखर सुमन यांची संपत्ती किती? आकडा पाहून डोळे पांढरे होतील!
May 07, 2024 06:51 PM IST
Shekhar Suman Net worth: लोकसभा निवडणुकीच्या मतदानापूर्वी शेखर सुमन याने भाजपमध्ये प्रवेश केला आहे. संजय लीला देखील भन्साळींच्या 'हीरामंडी' या वेब सीरिजमुळे शेखर सुमन प्रसिद्धी झोतात आला आहे.
(1 / 5)
‘हीरामंडी: द डायमंड बाजार’मधील ‘नवाब झुल्फीकार’ अर्थात बॉलिवूड अभिनेता शेखर सुमन आता पुन्हा एकदा राजकारणात सक्रिय झाला आहे. मात्र, यावेळी अभिनेत्याने काँग्रेस पक्षाला रामराम ठोकून भाजपमध्ये प्रवेश केला आहे. शेखर सुमन याने आज (७ मे) नवी दिल्लीत भारतीय जनता पक्षात अर्थात भाजपमध्ये प्रवेश केला. लोकसभा निवडणुकीच्या मतदानापूर्वी शेखर सुमन याने भाजपमध्ये प्रवेश केला आहे.
(2 / 5)
सध्या शेखर सुमन प्रचंड चर्चेत आहे. संजय लीला देखील भन्साळींच्या 'हीरामंडी' या वेब सीरिजमुळे शेखर सुमन प्रसिद्धी झोतात आला आहे. गेल्या काही वर्षांपासून शेखर सुमन चित्रपट विश्वातून गायबच झाला होता. मात्र, आता ‘हीरामंडी’तील भूमिकेमुळे पुन्हा एकदा लाईमलाईटमध्ये आला आहे. अनेक दिवसांपासून चित्रपट विश्वामधून गायब असलेल्या शेखर सुमनचा समावेश इंडस्ट्रीतील सर्वात श्रीमंत कलाकारांमध्ये होतो. अभिनेता शेखर सुमन हा कोट्यवधींच्या मालमत्तेचा आणि आलिशान गाड्यांचा मालक आहे.
(3 / 5)
अभिनेता शेखर सुमन याचे नाव टीव्ही आणि बॉलिवूडमधील गाजलेल्या अभिनेत्यांमध्ये घेतले जाते. शेखर सुमन याने त्याच्या करिअरमध्ये माधुरी दीक्षितपासून ते रेखापर्यंत अनेक लोकप्रिय अभिनेत्रींसोबत स्क्रीन शेअर केली आहे. त्याने अनेक चित्रपट आणि टीव्ही शोमध्ये उत्कृष्ट काम केले आहे.
(4 / 5)
त्याच्या 'देख भाई देख' या शोला प्रेक्षकांनी खूप पसंती मिळाली होती. याशिवाय शेखर सुमनचा चॅट शो ‘मूव्हर्स अँड शेकर्स’ही खूप गाजला होता. तर, चित्रपटांतील त्यांची कॉमिक टायमिंगही प्रेक्षकांना आवडली होती. शेखर सुमनने आपल्या बॉलिवूड करिअरमध्ये जवळपास ३०हून अधिक चित्रपटांमध्ये काम केले आहे.
(5 / 5)
मीडिया रिपोर्ट्सनुसार, शेखर सुमन यांच्याकडे तब्बल २० कोटी रुपयांपेक्षा जास्त संपत्ती आहे. अभिनेता शेखर सुमन याला मोटार बाईक आणि लक्झरी वाहनांचीही खूप आवड आहे. महागड्या स्पोर्ट्स बाईकपासून ते मर्सिडीज बेंझपर्यंत त्याच्या गाड्यांच्या कलेक्शनमध्ये अतिशय महागड्या गाड्या आहेत. त्याचा मुंबईत एक आलिशान बंगलाही आहे. सोशल मीडियावर ट्रोल झाल्यानंतर शेखर सुमनने त्याच्या आलिशान घराचे फोटो शेअर केले होते.
इतर गॅलरीज