Shani Trayodashi 2024: आर्थिक भरभराट होणार अन् जीवनात आनंद येणार; शनि त्रयोदशीला बदलणार ‘या’ राशींचे भाग्य!

कर्मफलदाता आणि न्यायाचा देव शनी सध्या उलट दिशेने फिरत आहे. याचा सर्व राशींवर व्यापक प्रभाव पडत आहे. वैदिक ज्योतिषशास्त्रानुसार, शनि जेव्हा प्रतिगामी असतो तेव्हा त्याची शक्ती वाढते. परंतु, त्याची परिणाम देण्याची क्षमता अनिश्चित असते. यामुळेच, मनुष्य जीवनावर प्रतिगामी शनीचा प्रभाव चांगला मानला जात नाही.

ज्योतिष शास्त्र म्हणते की, जेव्हा देव संकट देतो तेव्हा, त्याच्याशी लढण्याची क्षमता आणि उपाय देखील देतो. भगवान शिवाचे शुक्ल पक्षाचे प्रदोष व्रत यंदा शनिवार, १७ ऑगस्ट २०२४ रोजी येत आहे. याला शनि त्रयोदशी असेही म्हणतात, जी अत्यंत शुभ मानली जाते. या दिवसापासून ३ राशींचे भाग्य चमकू लागणार आहे.

वृषभ: भागीदारी व्यवसायातून लाभ होण्याची दाट शक्यता आहे. विद्यार्थ्यांच्या करिअरमध्ये लक्षणीय प्रगती होण्याची शक्यता आहे. तुम्ही नवीन मित्र बनवू शकता. व्यवसायात वाढ होण्याची शक्यता आहे. व्यावसायिक प्रवासातून लाभ होतील. सरकारी नोकरीत असलेल्या लोकांच्या मानसन्मानात वाढ होईल.

तूळ: आर्थिक स्थिती मजबूत होण्याची शक्यता आहे. पैशाच्या प्रवाहाचे नवीन स्त्रोत उघडू शकतात. विद्यार्थ्यांचे व्यक्तिमत्व सुधारेल. आरोग्य उत्तम राहील. तुम्हाला उत्साही वाटेल, ज्यामुळे प्रत्येक कामावर चांगला परिणाम होईल. तुमच्यात नेतृत्वगुण वाढतील. राजकारणाशी संबंधित लोकांची प्रतिष्ठा वाढेल. नोकरदार लोकांच्या कामाचे कौतुक होईल.

मीन: विद्यार्थ्यांना ज्ञान मिळवण्याच्या नवीन संधी मिळतील. तुमच्या प्रतिभेने तुमच्या गुरूला संतुष्ट करण्यात तुम्ही यशस्वी व्हाल. तुमच्या नेतृत्वगुणांमध्ये सुधारणा होईल. कलात्मक आणि कॉस्मेटिक वस्तूंशी संबंधित क्षेत्रात व्यवसाय करणाऱ्या लोकांना विशेष लाभ मिळण्याची अपेक्षा आहे. व्यावसायिकांना त्यांच्या व्यवसायाचा विस्तार करण्यात यश मिळू शकते.