शाहरुख ते आर माधवन; 'या' स्टार्सनी केलं मालिकांमधून पदार्पण, माधुरीच्या शोचं नाव माहिती आहे का?

बॉलिवूडचा सुपरस्टार शाहरुख खान आज इंडस्ट्रीवर राज्य करत आहे. शाहरुखने आपल्या करिअरमध्ये अनेक हिट चित्रपट दिले आहेत. पण तुम्हाला माहित आहे का की त्याने आपल्या अभिनय करिअरची सुरुवात छोट्या पडद्यापासून केली होती. केवळ शाहरुखच नाही तर आर माधवन, इरफान खान, मौनी रॉय, सुशांत सिंग राजपूत आणि अगदी माधुरी दीक्षित यांनी छोट्या पडद्यावर काम केले आहे.

शाहरुख खानने १९८० मध्ये 'फौजी' आणि 'सर्कस' सारख्या टीव्ही मालिकांमधून आपल्या अभिनय कारकिर्दीला सुरुवात केली.

विद्या बालन ९० च्या दशकातील प्रसिद्ध कॉमेडी शो 'हम पांच'मध्ये दिसली होती.

मौनी रॉयने 'सास भी कभी बहू थी', 'देवों के देव...महादेव' आणि 'नागिन' सारख्या टीव्ही शोमध्ये काम केले आहे. यानंतर तिने अक्षय कुमारच्या 'गोल्ड' या चित्रपटातून बॉलिवूडमध्ये पदार्पण केले.

'रॉक ऑन'मधून बॉलिवूडमध्ये पदार्पण करणारी प्राची देसाई 'कसम से' या टीव्ही शोमधून घराघरात पोहोचली होती.

आर माधवनने 'बनेगी अपनी बात', 'घर जमाई', 'साया' आणि 'सी हॉक्स' सारख्या अनेक टीव्ही शोमध्ये काम केले आहे.

'चांद के पार चलो' आणि 'ये प्यार ना होगा कम' या टीव्ही शोमधून करिअरची सुरुवात करणाऱ्या यामी गौतमने 'विकी डोनर' या चित्रपटातून बॉलिवूडमध्ये पदार्पण केले.

दिवंगत अभिनेता इरफानने चित्रपटांमध्ये काम करण्यापूर्वी 'चंद्रकांता', 'बनेगी अपनी बात', 'जस्ट मोहब्बत' सारख्या शोमध्ये काम केले होते. इरफानने 'सलाम बॉम्बे' या चित्रपटातून बॉलिवूडमध्ये पदार्पण केले होते.

सुशांत सिंह राजपूतने आपल्या करिअरची सुरुवात 'पवित्र रिश्ता' या टीव्ही शोमधून केली होती. मात्र, अनेक गाण्यांमध्ये तो बॅकग्राऊंड डान्सर म्हणूनही दिसला होता. सुशांतने 'काय पो चे' चित्रपटातून बॉलिवूडमध्ये पदार्पण केले होते.

माधुरी दीक्षितने १९८४ मध्ये 'अबोध' चित्रपटातून पदार्पण केले होते. पण हा चित्रपट चालला नाही. यानंतर, सुमारे एक वर्षानंतर, ती डीडी नॅशनलवरील 'पेइंग गेस्ट' शोच्या पहिल्या एपिसोडमध्ये दिसली होती. त्यात तिने नीना नावाच्या मुलीची भूमिका केली होती.