Saturn in purva bhadrapada nakshatra 2024 : शनिचे नक्षत्र परिवर्तन, या राशींना नोकरी व व्यवसायात मिळेल यश

शनीचे राशीपरिवर्तन किंवा नक्षत्र बदलादरम्यान सर्व राशींवर शुभ किंवा अशुभ प्रभाव पडतो. शनिदेव सध्या कुंभ राशीत आणि शतभिषा नक्षत्रात असून, शनी लवकरच पूर्वाभाद्रपद नक्षत्रात संक्रमण करणार आहे.

६ एप्रिल रोजी दुपारी ३:५५ वाजता शनि आपले नक्षत्र बदलेल. शनि गुरुच्या पूर्वाभाद्रपद नक्षत्रात प्रवेश करेल, जेथे शनि ३ ऑक्टोबर २०२४ पर्यंत राहील. शनीचे हे संक्रमण ३ राशीच्या लोकांच्या जीवनात आनंद आणणार आहे.

वृषभ - 

शनीचे संक्रमण या राशीच्या लोकांसाठी चांगले परिणाम देईल. या राशीच्या लोकांना शनीच्या कृपेने करिअर आणि व्यवसायात भरपूर यश मिळेल. जीवनात आनंद मिळेल. वृषभ राशीच्या लोकांचे संकट शनिदेव दूर करतील. शनीच्या कृपेने नवीन नोकरी मिळू शकते. शनिदेव तुमच्या मेहनतीचे फळ देईल. तुम्ही तुमच्या सर्व जबाबदाऱ्या यशस्वीपणे पार पाडाल.

सिंह - 

पूर्वाभाद्रपद नक्षत्रात शनीचे संक्रमण सिंह राशीच्या लोकांसाठी खूप चांगले राहील. या काळात तुमचे उत्पन्न चांगले वाढेल. तुम्हाला कुठूनही अनपेक्षित पैसे मिळू शकतात. सिंह राशीच्या लोकांना त्यांचे जुने अडकलेले पैसे परत मिळू शकतात. शनि तुमच्यावर कृपा करेल. तुमच्या करिअरमध्ये तुम्ही खूप सुधारणा कराल. शनीचे हे नक्षत्र संक्रमण तुम्हाला अनेक नवीन कामाच्या संधी देईल.

कुंभ - 

या राशीच्या लोकांसाठी पूर्वाभाद्रपद नक्षत्रातील शनीचे संक्रमण अत्यंत फलदायी ठरेल. शनि तुम्हाला भरपूर आर्थिक लाभ देईल. समाजात तुमचा सन्मान वाढेल. जुने चालू असलेले प्रश्न सुटतील. व्यवसायात चांगला फायदा होईल. कुंभ राशीचे लोक त्यांच्या व्यक्तिमत्त्वाने इतरांना खूश करण्यात यशस्वी होतील. शनिदेव तुमच्या सर्व मनोकामना पूर्ण करतील.