सारा अली खानला मिठी मारणारा 'हा' मुलगा आहे तरी कोण? लवकरच करणार बॉलिवूडमध्ये पदार्पण

बॉलिवूड अभिनेत्री सारा अली खानचे'मर्डर मुबारक' आणि 'आय वतन मेरे वतन' हे दोन चित्रपट काही दिवसांपूर्वी प्रदर्शित झाले होते. या व्यग्र वेळापत्रकातून वेळ काढून सारा फिरायला गेली आहे. तिने तेथे फिरतानाचे काही फोटो सोशल मीडियावर शेअर केले आहेत. पण या फोटोमध्ये दिसणारा मुलगा कोण आहे असा प्रश्न सर्वांना पडला आहे.

साराने सोशल मीडियावर एका अनोळखी व्यक्तीसोबतचे फोटो पोस्ट केले आहेत. अभिनेत्री त्याच्यासोबत कधी समुद्रावरून तर कधी डोंगरावर फिरतानाचे फोटो शेअर केले आहेत. हे फोटो शेअर करत तिने, 'तुम्हाला समुद्र किनारा आवडतो की डोंगर. मला सूर्यास्त जास्त आवडतो' असे कॅप्शन दिले आहे.

सारासोबत दिसणारी ही व्यक्ती कोण? असा प्रश्न सर्वांना पडला आहे. तो दुसरा कोणी नसून साराचा भाऊ इब्राहिम अली खान आहे. सारा आणि इब्राहिममधील नाते नेहमीच सर्वांचे लक्ष वेधून घेताना दिसते. सारा अली खानने बॉलिवूडमध्ये स्वत:चे स्थान निर्माण केले आहे.आता सर्वांच्या नजरा सैफ-अमृता यांचा मुलगा इब्राहिम अली खानकडे लागल्या आहेत. त्याने करण जोहरच्या 'रॉकी और रानी की प्रेम कहानी'मध्ये सहदिग्दर्शक म्हणून काम केले.

सारा अली खानचा भाऊ इब्राहिमसाठी दिग्दर्शक करण जोहरचे मोठे प्लॅन्स आहेत. त्याच्या पहिल्या हिंदी चित्रपटाविषयी सविस्तर माहीत समोर आलेली नाही. पण या चित्रपटाचे नाव 'सरजमीन' असणार आहे. बोमन इराणी यांचा मुलगा कयोज इराणी या चित्रपटाचे दिग्दर्शन करत आहे.

सारा अली खानने काही दिवासांपूर्वी इब्राहिमच्या पदार्पणाबाबत माहिती दिली होती. त्याने चित्रपटाचे चित्रीकरण पूर्ण केले आहे. पण कोणता चित्रपट किंवा इतर कोणतीही माहिती साराने दिलेली नाही.