SangharshYoddha Movie: मराठीतील दिग्गज अभिनेता साकारणार मनोज जरांगे-पाटील यांच्या वडिलांची भूमिका!
SangharshYoddha Movie: मराठीतील दिग्गज अभिनेता साकारणार मनोज जरांगे-पाटील यांच्या वडिलांची भूमिका!
Mar 18, 2024 12:47 PM IST
SangharshYoddha Movie Update: ‘संघर्षयोद्धा’ या चित्रपटातील एक एक पात्र प्रेक्षकांच्या भेटीला येत आहे. आता या चित्रपटातील मनोज जरांगे पाटील यांच्या वडिलांची भूमिका साकारणाऱ्या अभिनेत्याचा चेहरा समोर आला आहे.
(1 / 4)
मनोज जरांगे पाटील यांच्या आयुष्याची हीच संघर्षकथा ‘संघर्षयोद्धा’ या चित्रपटातून प्रेक्षकांना पाहायला मिळणार आहे. ‘संघर्षयोद्धा’ या चित्रपटातील एक एक पात्र प्रेक्षकांच्या भेटीला येत आहे. आता या चित्रपटातील मनोज जरांगे पाटील यांच्या वडिलांची भूमिका साकारणाऱ्या अभिनेत्याचा चेहरा समोर आला आहे.
(2 / 4)
मराठा समाजाला आरक्षण मिळावं यासाठी अवघ्या महाराष्ट्रात क्रांतीची ज्योत पेटवणारं व्यक्तिमत्त्व म्हणजे मनोज जरांगे पाटील. मराठा समाजाला आरक्षण मिळवून देण्याच्या लढ्यासाठी मनोज जरांगे पाटील यांनी महाराष्ट्र ढवळून काढला.
(3 / 4)
मराठी मनोरंजन विश्वातील दिग्गज, ज्येष्ठ अभिनेते मोहन जोशी या चित्रपटात मनोज जरांगे पाटील यांच्या वडिलांची भूमिका साकारताना दिसणार आहेत. नुकताच त्यांचा लूक समोर आला आहे. येत्या २६ एप्रिलला 'संघर्षयोद्धा' संपूर्ण महाराष्ट्रात प्रदर्शित होत आहे.
(4 / 4)
सुप्रसिद्ध ज्येष्ठ अभिनेते मोहन जोशी यांनी आजवर अनेक मराठी, हिंदी चित्रपटातून दमदार भूमिका साकारल्या आहेत. अगदी खलनायकी भूमिकांपासून, चरित्र भूमिकांपर्यंतचं वैविध्य त्यांच्या अभिनयात आहे. आता मनोज जरांगे पाटील यांच्या वडिलांची भूमिका त्यांच्या आजवरच्या भूमिकांमध्ये एक लक्षणीय भूमिका ठरणार आहे.
(5 / 4)
स्वतःच्या मुलाचा संघर्ष, त्याची उपोषणं, राज्यभरातून मराठा समाजाकडून मिळणारा पाठिंबा, या काळात एका वडिलांची घालमेल मोहन जोशी यांच्या सशक्त अभिनयातून आपल्याला पाहायला मिळणार आहे. या चित्रपटात अभिनेता संदीप पाठक, सागर कारंडे, अरबाज शेख, अभिनेते मोहन जोशी, श्रीनिवास पोकळे, संजय कुलकर्णी, अभिनेत्री सुरभी हांडे, माधवी जुवेकर, विजय मिश्रा, विनीत भोंडे, सुनील गोडबोले, माधव अभ्यंकर, सोमनाथ अवघडे, किशोर चौगुले, सिद्धेश्वर झाडबुके, उर्मिला डांगे यांच्याही प्रमुख भूमिका आहेत.
इतर गॅलरीज