शोएब मलिकला क्लीन बोल्ड करणाऱ्या सना जावेदचे हे फोटो बघितले का? पाकिस्तानची सर्वात सुंदर अभिनेत्री
शोएब मलिकला क्लीन बोल्ड करणाऱ्या सना जावेदचे हे फोटो बघितले का? पाकिस्तानची सर्वात सुंदर अभिनेत्री
Jan 27, 2024 04:58 PM IST
- Sana Javed : पाकिस्तान क्रिकेटपटू शोएब मलिकने नुकतेच पाकिस्तानी अभिनेत्री सना जावेदसोबत लग्न केले. सनाचे हे दुसरे तर शोएबचे तिसरे लग्न आहे. अशा स्थितीत चाहत्यांना सना जावेदबाबत अधिक जाणून घेण्याची उत्सुकता आहे.
(1 / 8)
पाकिस्तान क्रिकेटपटू शोएब मलिकने नुकतेच अभिनेत्री सना जावेदसोबत लग्न केले. सनासोबत शोएबचे हे तिसरे लग्न आहे. सनाच्या आधी त्याने टेनिस स्टार सानिया मिर्झाशी लग्न केले होते. मात्र, गेल्या दोन वर्षांपासून दोघांमध्ये दुरावा निर्माण झाला आणि दोघांनी वेगळे होण्याचा निर्णय घेतला. शोएबच्या तिसऱ्या लग्नानंतर आता चाहत्यांना त्याच्या नव्या पत्तीबद्दल जाणून घेण्याची उत्सुकता आहे. (All Photos -Sana Shoaib Malik Instagram)
(2 / 8)
शोएब आणि सना यांच्या अफेअरची चर्चा पाकिस्तानमध्ये बऱ्याच दिवसांपासून सुरू होती. पण या दोघांनी कधीही उघडपणे याचा स्वीकार केला नव्हता. सना जावेद ही पाकिस्तानी चित्रपटसृष्टीतील लोकप्रिय अभिनेत्री आहे. सना अभिनयासोबतच मॉडेलिंगही करते. ती पाकिस्तानातील अनेक मोठ्या चित्रपटांमध्येही दिसली आहे.(Sana Shoaib Malik Instagram)
(3 / 8)
सनाचे दुसरे लग्न- सना जावेदचे शोएब मलिकसोबतचे हे दुसरे लग्न आहे. यापूर्वी सनाने २०२० मध्ये कराचीमध्ये उमर जसवालशी लग्न केले होते. मात्र, दोघांनी लवकरच वेगळे होण्याचा निर्णय घेतला. यानंतर सनाचे नाव अनेक पाकिस्तानी कलाकारांसोबतही जोडले गेले पण तिने क्रिकेटर शोएब मलिकसोबत लग्न करण्याचा निर्णय घेतला.(Sana Shoaib Malik Instagram)
(4 / 8)
शहर-ए-जात'मधून सना घराघरात पोहोचली- सना बऱ्याच काळापासून पाकिस्तानी फिल्म इंडस्ट्रीत काम करत आहे. सनाने तिच्या करिअरची सुरुवात २०१२ मध्ये शहर-ए-जात या टीव्ही मालिकेतून केली होती. पाकिस्तानमध्ये ही मालिका लोकप्रिय ठरली आणि लवकरच सना घराघरात पोहोचली. याशिवाय तिने 'खानी' या रोमँटिक ड्रामामध्येही मुख्य भूमिका साकारली होती, ज्यामुळे ती अधिक प्रसिद्धीझोतात आली.(Sana Shoaib Malik Instagram)
(5 / 8)
सना जावेद भारतातही प्रसिद्ध- सना जावेद केवळ पाकिस्तानातच नाही तर भारतातही खूप लोकप्रिय आहे. ए मुश्त-ए-खाक या टीव्ही शोमधून सनाला भारतात लोकप्रियता मिळाली. तिच्या अलीकडच्या कामावर नजर टाकली तर ती सध्या टीव्ही शो 'सुकून'मध्ये दिसत आहे. या शोमधील अनाच्या व्यक्तिरेखेसाठी सनाला खूप प्रेम मिळत आहे.(Sana Shoaib Malik Instagram)
(6 / 8)
सना सर्वात सुंदर अभिनेत्री- सना जावेद ही पाकिस्तानची सर्वात सुंदर अभिनेत्री मानली जाते. सनाने टीव्ही सीरियल आणि टेली फिल्म्सशिवाय अनेक ॲड फिल्म्समध्येही काम केले आहे. पाकिस्तानमध्ये सनाची एक झलक पाहण्यासाठी चाहते आतुर असतात.(Sana Shoaib Malik Instagram)
(7 / 8)
सनाचे भारताशी खास नाते - सना जावेदचेही भारताशी विशेष नाते आहे. सनाच्या वडिलांचे कुटुंब भारतातील हैदराबादशी जोडलेले आहे. फाळणीनंतर वडिलांचे कुटुंब पाकिस्तानात गेले. मात्र, सनाचे वडील कामानिमित्त सौदी अरेबियात राहतात. सना आणि तिच्या भावंडांचाही जन्म तिथेच झाला. सनाचा भाऊ अब्दुल्ला जावेद आणि बहीण हिना जावेद हे देखील अभिनय व्यवसायाशी संबंधित आहेत.(Sana Shoaib Malik Instagram)
(8 / 8)
मेहनूर शेखसोबत सनाचे भांडण- पाकिस्तानी इंडस्ट्रीतील काही लोकांनी सनाला गर्विष्ठ आणि अहंकारी म्हटले आहे. पाकिस्तानी अभिनेता मेहनूर शेखने इंस्टाग्रामवर एक लांबलचक पोस्ट शेअर करून सनाबाबत अनेक धक्कादायक खुलासे केले आहेत. सना या वादांवर कधीच उघडपणे बोलली नाही. पण इंडस्ट्रीतील सर्वांशी तिचे संबंध चांगले नाहीत हे स्पष्ट आहे.(Sana Shoaib Malik Instagram)
इतर गॅलरीज