बजेट रेंजमध्ये सर्वाधिक विक्री होणाऱ्या सॅमसंग ब्रँडचा फोन घ्यायचा असेल, तर हे ५ फोन तुमच्यासाठी आहेत. या सॅमसंग स्मार्टफोन्समध्ये तुम्हाला ५० मेगापिक्सेल कॅमेरा आणि ५००० एमएएच बॅटरी मिळते. हे फोन अॅमेझॉन आणि फ्लिपकार्टवर बंपर डिस्काउंटवर उपलब्ध आहेत.
येथे आपण बजेट रेंजमधील ५ सर्वाधिक पसंती मिळालेल्या सॅमसंग स्मार्टफोन्सबद्दल बोलत आहोत, जे सध्या अॅमेझॉन आणि फ्लिपकार्ट सेलमध्ये ८,००० रुपयांपेक्षा कमी किमतीत उपलब्ध आहेत.
सॅमसंग गॅलेक्सी एफ०५: सॅमसंगचा हा बजेट फोन सध्या फ्लिपकार्टवर ६,२४९ रुपयांना उपलब्ध आहे. हा फोन सॅमसंगने ७,९९९ रुपयांना लाँच केला आहे. फ्लिपकार्ट अॅक्सिस बँक क्रेडिट कार्डने तुम्ही या फोनवर ५% कॅशबॅक मिळवू शकता. गॅलेक्सी F05 मध्ये मीडियाटेक हेलिओ G85 चिपसेट आहे, जो 4GB रॅम आणि 64GB ऑनबोर्ड स्टोरेजसह येतो. Samsung Galaxy F05 मध्ये ड्युअल रिअर कॅमेरा युनिट आहे, ज्यामध्ये ५०-मेगापिक्सेलचा प्रायमरी सेन्सर आणि २-मेगापिक्सेलचा डेप्थ सेन्सर समाविष्ट आहे. व्हिडिओ कॉलिंगसाठी ८ मेगापिक्सेलचा फ्रंट कॅमेरा आहे. यात ५,००० एमएएच बॅटरी आहे जी यूएसबी टाइप-सी पोर्टद्वारे २५ वॅट वायर्ड फास्ट चार्जिंग सपोर्टसह येते.
सॅमसंग गॅलेक्सी ए०५: सॅमसंगचा हा बजेट फोन स्पीड आणि मल्टीटास्किंगसाठी मीडियाटेक G85 चिपसेटसह येतो आणि फ्लिपकार्टवर ७ हजार ८२० रुपयांना उपलब्ध आहे. फ्लिपकार्ट अॅक्सिस बँक क्रेडिट कार्डसह फोनवर ५% कॅशबॅक देखील आहे. सॅमसंग गॅलेक्सी ए ०५फोनमध्ये मागील बाजूस ५०-मेगापिक्सेलचा प्राथमिक कॅमेरा सेन्सर आहे, तसेच २-मेगापिक्सेलचा दुय्यम कॅमेरा आणि सेल्फी आणि व्हिडिओ कॉलिंगसाठी समोरील बाजूस ८-मेगापिक्सेलचा कॅमेरा सेन्सर आहे. फोनमध्ये २५ वॅट फास्ट चार्जिंग सपोर्टसह ५००० एमएएचची शक्तिशाली बॅटरी आहे.
सॅमसंग गॅलेक्सी ए०६: सॅमसंग गॅलेक्सी ए ०६ स्मार्टफोनमध्ये एलईडी फ्लॅशसह ड्युअल रियर कॅमेरा सेटअप मिळतो. हा फोन अॅमेझॉन वर ७,९५० रुपयांना खरेदीसाठी उपलब्ध आहे. फोनमधील प्रायमरी सेन्सर ५० मेगापिक्सेलचा आहे तर २ मेगापिक्सेल डेप्थ सेन्सर देण्यात आला आहे. त्याच वेळी, व्हिडिओ कॉलिंग आणि सेल्फीच्या सोयीसाठी, यात पंच होल डिस्प्लेसह ८ मेगापिक्सलचा फ्रंट कॅमेरा आहे. सॅमसंगच्या या स्वस्त स्मार्टफोनमध्ये ५,००० एमएएचची शक्तिशाली बॅटरी आहे. यामध्ये फास्ट चार्जिंग सपोर्ट आणि यूएसबी टाइप सी सपोर्ट देखील देण्यात आला आहे. तसेच, सुरक्षेसाठी बाजूला माउंटेड फिंगरप्रिंट सेन्सर देण्यात आला आहे.
सॅमसंग गॅलेक्सी एम०५: सॅमसंगचा मीडियाटेक हेलिओ जी८५ प्रोसेसर असलेला फोन फ्लिपकार्टवर ६,८२६ रुपयांना विकला जात आहे. ग्राफिक्स सपोर्टसाठी हा फोन ARM Mali-G52 2EEMC2 GPU सह येतो. सॅमसंग एम०५ स्मार्टफोनमध्ये ५००० एमएएच बॅटरी आहे. हा फोन २५ वॅट फास्ट चार्जिंगला सपोर्ट करतो. या सॅमसंग फोनमध्ये ५० मेगापिक्सेलचा प्रायमरी कॅमेरा सेन्सर आहे, तसेच २ मेगापिक्सेल डेप्थ सेन्सर आणि एलईडी फ्लॅशचा सपोर्ट आहे. सेल्फीसाठी फोनमध्ये ८ मेगापिक्सेलचा फ्रंट कॅमेरा आहे.
सॅमसंग गॅलेक्सी एम १४ ४ जी: या सॅमसंग स्मार्टफोनच्या मागील बाजूस ट्रिपल कॅमेरा सेटअप उपलब्ध आहे. फोनमध्ये ५० मेगापिक्सेलचा प्रायमरी कॅमेरा उपलब्ध असेल. याशिवाय फोनमध्ये २ एमपी मॅक्रो आणि २ एमपी डेप्थ सेन्सर उपलब्ध असेल. सेल्फी आणि व्हिडिओ कॉलिंगसाठी, या सॅमसंग फोनमध्ये १३ मेगापिक्सेल कॅमेरा आहे. या स्मार्टफोनमध्ये ५००० एमएएच बॅटरी असून २५ वॅट यूएसबी टाइप सी फास्ट चार्जिंगला सपोर्ट आहे. हा फोन फ्लिपकार्टवरून ८ हजार २६० रुपयांना खरेदी करू शकतात. फ्लिपकार्ट अॅक्सिस बँकेच्या क्रेडिट कार्डचा वापर करून हा फोन ५% कॅशबॅकसह खरेदी करता येईल.