Rohit Sharma : रोहित शर्माची सर्वात 'गंभीर' मुलाखत; सगळा राग काढला! निशाणा कुणावर? वाचा
Rohit Sharma : रोहित शर्माची सर्वात 'गंभीर' मुलाखत; सगळा राग काढला! निशाणा कुणावर? वाचा
Jan 04, 2025 05:40 PM IST
- Rohit Sharma on Test Retirement : रोहित शर्माने अखेर निवृत्तीबाबत मौन सोडले आहे. आज (४ जानेवारी) सिडनी कसोटीत लंच दरम्यान तो या सामन्यात का खेळला नाही याबद्दल सविस्तर स्पष्टीकरण दिले आहे. त्याचवेळी त्याने त्याचा पुढचा प्लॅन काय आहे, याचीही माहिती दिली.
(1 / 8)
सिडनीत कसोटीतून बाहेर बसण्याचा निर्णय का घेतला हेही रोहितने सांगितले. रोहित म्हणाला की, सध्या तो क्रिकेट सोडून कुठेही जात नाहीये. रोहित म्हणाला की, तो खूप मेहनत करत होता पण कामगिरी चांगली होत नव्हती, त्यामुळे सिडनी कसोटीपासून स्वतःला दूर ठेवणे आवश्यक होते.
(2 / 8)
सोबतच रोहितने पेन लॅपटॉप आणि कागद घेऊन बसलेले लोक आमचा निर्णय घेऊ शकत नाहीत असे म्हटले. यावरून त्याने टीम इंडियाचे कोच, क्रीडा समीक्षक आणि कॉमेंटेर्सनाही टोला लगावला आहे.
(3 / 8)
आज (४ जानेवारी) स्टार स्पोर्ट्सवर बोलताना रोहितने स्पष्ट केले की, सध्या तो क्रिकेट सोडून कुठेही जात नाही. रोहित म्हणाला, 'मी लवकरच निवृत्त होणार नाही. धावा होत नसल्याने मी या सामन्यातून माघार घेण्याचा निर्णय घेतला. मी कठोर परिश्रम करून पुनरागमन करेन.
(4 / 8)
रोहित पुढे म्हणाला, मी या कसोटीतून माघार घेण्याचा निर्णय घेतला आहे, पण मी कुठेही जाणार नाही. हा निवृत्तीचा किंवा फॉरमॅटपासून दूर जाण्याचा निर्णय नाही. पण होय, धावा होत नाहीत, पण २ महिने किंवा ६ महिन्यांनंतर तुम्ही धावा करू शकणार नाही, हे आताच कसं ठरवणार. मी परिपक्व आहे की मी काय करतोय हे मला माहीत आहे.
(5 / 8)
गंभीर-आगरकरसोबत काय चर्चा झाली?- रोहित सिडनी कसोटीतून माघार का घेतली याविषयी, हिटमॅन म्हणाला, मी निवडकर्ता आणि मुख्य प्रशिक्षकाशी बोललो. मीच त्यांना सांगितले की सिडनी सामना संघासाठी खूप महत्त्वाचा आहे. अशा परिस्थितीत फॉर्ममध्ये असलेल्या खेळाडूंनी संघात खेळावे असे वाटते.
(6 / 8)
आमचा निर्णय लॅपटॉप, पेन आणि कागद घेऊन बसलेले लोक घेऊ शकत नाही- या मुलाखतीत रोहितने सांगितले की, ५ किंवा ६ महिन्यांनंतर काय होणार आहे याचा तो फारसा विचार करत नाही, रोहित म्हणाला, 'लॅपटॉप, पेन आणि कागद घेऊन बसलेले लोक खेळाडूची निवृत्ती केव्हा होणार कसं काय ठरवतील?. मला स्वतःवर विश्वास आहे की काय करायला पाहिजे. पण रोहितच्या या वक्तव्यावरून एक गोष्ट स्पष्ट झाली आहे की, त्याने आपल्या निवृत्तीबद्दलच्या सर्व अफवांना ब्रेक लावला आहे.
(7 / 8)
मी दोन मुलांचा बाप आहे, मला माहित आहे काय करायचे- यादरम्यान रोहितने असेही सांगितले की, मी एक समजूतदार माणूस आहे, दोन मुलांचा बाप आहे, त्यामुळे मला कधी, काय आणि कोणता निर्णय घ्यायचा आहे हे मला माहीत आहे. २००७ मध्ये मी इथे आलो तेव्हापासूनच मी संघाचा विचार करत आहे. मी इतर लोकांचा विचार करत नाही.
(8 / 8)
किसी ने हमको प्लेट में साजा के नहीं दिया - मी आता इथेच आहे. बुमराह येथे आहे. त्याच्याआधी विराट येथे होता. त्याच्या आधी एमएस धोनी येथे होता. प्रत्येकाने ते कमावले आहे. किसी ने हमको प्लेट में साजा के नहीं दिया (आम्हाला थाळीत कोणी ही दिली नाही). आणि हे कुणालाही असेच सहज मिळू नये. त्यांना कठोर परिश्रम करू द्या.
(9 / 8)
कर्णधारपद सहज मिळू नये- मुलांमध्ये खूप टॅलेंट आहे. पण त्याचबरोबर मला हेही सांगायचे आहे की, भारताचा कर्णधार होणे सोपे नाही. दडपण आहे. पण हा मोठा सन्मान आहे. आपला इतिहास आणि आपण ज्या पद्धतीने क्रिकेट खेळतो त्याची दोन्ही खांद्यावर मोठी जबाबदारी आहे. त्यामुळे त्यांना ते कमावू द्या.
इतर गॅलरीज