richest state of india : भारतातील सर्वात श्रीमंत राज्य कोणते? महाराष्ट्राचा नंबर कितवा, पाहा यादी!
richest state of india : भारतातील सर्वात श्रीमंत राज्य कोणते? महाराष्ट्राचा नंबर कितवा, पाहा यादी!
Nov 12, 2024 01:34 PM IST
- richest state of india gdp in 2024 : देशाच्या जीडीपीमध्ये महाराष्ट्राचा वाटा १३.३० टक्के आहे. त्याखालोखाल तामिळनाडूचा वाटा ८.९० टक्के आहे. कर्नाटक आणि गुजरात अनुक्रमे ८.२० टक्के आणि ८.१० टक्के योगदानासह तिसऱ्या आणि चौथ्या स्थानावर आहेत.
(1 / 6)
जगात भारताचा वेगाने विकास होत आहे. २०२७-२८ पर्यंत भारत जगातील तिसरी सर्वात मोठी अर्थव्यवस्था बनेल, असं भाकीत केंद्रीय अर्थमंत्री निर्मला सीतारामन यांनी वर्षाच्या सुरुवातीला वर्तवलं होतं. ५ ट्रिलियन डॉलर जीडीपी म्हणजेच सकल देशांतर्गत उत्पादनाचे उद्दिष्ट साध्य होताच देश हे यश साध्य करेल, असे त्या म्हणाल्या होत्या. आता राज्ये आणि केंद्रशासित प्रदेशांच्या वाढत्या विकासाच्या वेगामुळे ही उद्दिष्ट लवकरच भारत गाठण्याची शक्यता आहे. त्याचबरोबर भारताचा नॉमिनल जीडीपी दर ६ वर्षांत दुप्पट होण्याच्या जवळपास असेल, असाही अंदाज वर्तवला जात आहे.
(2 / 6)
देशाच्या जीडीपीमध्ये १३.३० टक्के योगदान महाराष्ट्राचे आहे. देशातील सर्वाधिक श्रीमंत राज्याच्या यादीत महाराष्ट्र पहिल्या स्थानावर आहे.
(3 / 6)
त्याखालोखाल तामिळनाडू राज्य आहे. तामिळनाडूचा जीडीपी दर हा ८.९० टक्के आहे. कर्नाटक आणि गुजरात अनुक्रमे ८.२० टक्के आणि ८.१० टक्के योगदानासह तिसऱ्या आणि चौथ्या स्थानावर आहेत.
(4 / 6)
लोकसंख्येच्या दृष्टीने देशातील सर्वात मोठे राज्य असलेल्या उत्तर प्रदेशचा देशाच्या जीडीपीमध्ये वाटा ८.४० टक्के आहे.
(5 / 6)
या यादीत नवी दिल्ली १३ व्या क्रमांकावर आहे. येथे २०२४-२५ या आर्थिक वर्षासाठी जीएसडीपीचा अंदाज ११.०७ लाख कोटी रुपये आहे. तर, देशाच्या अर्थव्यवस्थेत दिल्लीचा वाटा ३.६ टक्के आहे.
(6 / 6)
एस अँड पी ग्लोबलच्या अंदाजानुसार २०३०-३१ या आर्थिक वर्षापर्यंत भारताचा नॉमिनल जीडीपी जवळपास दुप्पट होऊन ७ ट्रिलियन डॉलर होईल. तिसऱ्या क्रमांकाच्या अर्थव्यवस्थेचे उद्दिष्ट साध्य करण्याच्या शर्यतीत दरडोई जीडीपी अर्थात सकल राज्य देशांतर्गत उत्पादन आणि जीडीपीच्या योगदानात मोठी भूमिका बजावणारी अनेक राज्ये गेल्या काही वर्षात उदयास आली आहेत.
इतर गॅलरीज