Ramadan 2024: न्यू यॉर्कच्या टाइम्स स्क्वेअरमध्ये सामूहिक नमाज पठण! पवित्र रमजान साजरा करण्यासाठी जमले मुस्लिम बांधव

जगभरातील मुस्लिम रमजान पाळतात. हा महिना जगभरात साजरा केला जात आहे.  

अमेरिकेत हजारो मुस्लिम नागरिक  न्यूयॉर्क शहरातील टाइम्स स्क्वेअरमध्ये रमजानच्या पहिल्या तरावीह प्रार्थनेसाठी जमले होते. 

दररोज सूर्यास्तापर्यंत उपवास करून (सॉम) आणि प्रार्थना (सालाह) करून  साजरा केला जातो.

कडाक्याची थंडी, वादळी वातावरण असतानाही प्रार्थना सभेसाठी मोठ्या प्रमाणात मुस्लिम बांधव एकत्र जमले होते. 

एकत्र नमाज पठण करत रमजान  महिन्याला सुरुवात करण्यात आली.  

रमजान महिन्यात पहाटेपासून संध्याकाळपर्यंत उपवास केला जातो. हा उपवास संध्याकाळी कुटुंब आणि मित्रांसह एकत्र येऊन सोडला जातो. 

रमजान हा प्रार्थनेचा महिना देखील आहे, ज्या दरम्यान मुस्लिम पारंपारिकपणे मशिदींमध्ये मोठ्या संख्येने जमत एकत्र नमाज पठण करतात. 

या ठिकाणी आयोजकांनी कुराणातील प्रार्थना एका पांढऱ्या मोठ्या स्क्रीनवर  प्रक्षेपित केली होती. याचे पठण करत नागरिकांनी नमाज पठण केले.