Rajinikanth Movies : २०२५ वर्ष रजनीकांत गाजवणार! एकाच वर्षात रिलीज होणार बहुप्रतीक्षित सिनेमे
Rajinikanth Movies : २०२५ वर्ष रजनीकांत गाजवणार! एकाच वर्षात रिलीज होणार बहुप्रतीक्षित सिनेमे
रजनीकांतच्या दोन चित्रपटांची लोक आतुरतेने वाट पाहत आहेत. या दोन चित्रपटांबद्दल आत्तापर्यंतच्या अपडेट्सबद्दल आम्ही तुम्हाला सांगणार आहोत.
रजनीकांत लवकरच 'कुली' या ॲक्शन ड्रामा चित्रपटात दिसणार आहे. विशेष म्हणजे लोकेश कनगराज या चित्रपटाचे दिग्दर्शन करत आहेत.
याविषयी मीडियाशी बोलताना रजनीकांत यांनी 'कुली'चे ७० टक्के शूटिंग पूर्ण झाल्याची पुष्टी केली. आता या चित्रपटाच्या उर्वरित भागाचे शूटिंग १३ ते २८ जानेवारी दरम्यान होणार आहे.
'कुली' या वर्षी मे किंवा जूनमध्ये रिलीज होणार आहे. या चित्रपटात रजनीकांत व्यतिरिक्त नागार्जुन अक्किनेनी, सत्यराज, उपेंद्र, श्रुती हासन, रेबा मोनिका जॉन आणि सौबिन बशीर सारखे प्रसिद्ध कलाकार दिसणार आहेत.
'जेलर' ब्लॉकबस्टर ठरल्यानंतर आता रजनीकांत आणि दिग्दर्शक नेल्सन दिलीपकुमार 'जेलर २'साठी पुन्हा एकदा हातमिळवणी करणार आहेत. ओटीटी प्लेच्या रिपोर्टनुसार, नेल्सन दिलीपकुमार यांनी अधिकृतपणे याची पुष्टी केली आहे.
न्यूज १८ च्या रिपोर्टनुसार, रजनीकांत यांनी त्यांच्या मोस्ट अवेटेड चित्रपट 'जेलर २'चा प्रोमो शूट केला आहे.
ओटीटी प्लेच्या रिपोर्टनुसार, रजनीकांतच्या 'जेलर २'वर काम सुरू झाले आहे आणि हा चित्रपट यावर्षी रिलीज होऊ शकतो. मात्र, अद्याप याला अधिकृत दुजोरा मिळालेला नाही.