CSK vs RR IPL 2023 : रोमांचक सामन्यात राजस्थानची बाजी, धोनीच्या विस्फोटक खेळीनंतरही सीएसकेचा पराभव

Chennai Super Kings vs Rajasthan Royals Live Score : राजस्थान रॉयल्स आणि चेन्नई सुपरकिंग्जमध्ये झालेल्या सामन्यात संजू सॅमसनच्या राजस्थान रॉयल्स संघाने बाजी मारली आहे.

अखेरच्या षटकात चेन्नईला विजयासाठी २१ धावांची गरज होती. संदीप शर्माच्या पहिल्या पाच चेंडूवर धोनी-जडेजाने १८ धावा केल्या. अखेरच्या चेंडूवर धोनीला बाउंड्री न मारता आल्यामुळं सीएसकेचा पराभव झाला आहे.

यंदाच्या आयपीएलमधील हा सीएसकेचा दुसरा पराभव आहे.

राजस्थानने यंदाच्या आयपीएलमध्ये तिसरा विजय मिळवत चषकावर दावा ठोकला आहे. राजस्थानकडून जोस बटलरने अर्धशतकीय खेळी केली. त्यानंतर हेटमायर आणि आश्विनने फटकेबाजी करत संघाला दीडशेपार स्कोर उभारून दिला.

डावाची चांगली सुरुवात करूनही राजस्थानला मोठा स्कोर उभारता आलेला नव्हता. राजस्थानने चेन्नईला १७६ धावांचं लक्ष्य दिलं होतं.

डेव्होन कॉन्वेने अर्धशतकीय खेळी केल्यानंतर धोनी आणि जडेजाने विस्फोटक फलंदाजी करत संघाला विजयाजवळ नेलं, परंतु अखेरच्या चेंडूवर सीएसकेला पराभव स्वीकारावा लागला.