Pune Railway fire : पुणे स्थानकात उभी असलेली ट्रेन अचानक पेटली; पाहा धडकी भरवणारे फोटो

पुणे रेल्वे स्थानकात क्वीन्स गार्डनच्या शेजारी यार्डमध्ये उभ्या असलेल्या रेल्वेच्या स्लिपर कोचच्या डब्ब्याला मध्यरात्री भीषण आग लागली. 

ही आग ऐवढी भीषण होती की, आगीचे लोळ मोठ्या प्रमाणात हवेत होते. या घटनेमुळे रेल्वे प्रशासानाची मोठी धावळप उडाली. 

या घटनेची माहिती अग्निशामक दलाला देण्यात आली. अग्निशामक दलाचे चार बंब घटनास्थळी रवाना झाले. त्यांना बऱ्याच दिवसंपासून स्थानकात उभ्या असलेल्या रेल्वेच्या एका डब्ब्याला मोठी आग लागल्याचे निदर्शनास आले. 

अग्निशामक दलाच्या जवानांनी तातडीने आग विझवण्यास सुरुवात केली. या घटनेत रेल्वेचे आणखी दोन डब्बे जळाले. 

सुमारे तासाभरा नंतर ही आग विझवण्यात अग्निशामक दलाच्या कर्मचाऱ्यांन यश आले. या घटनेत सुदैवाने  जीवित हानी अथवा जखमी झाले नाही. 

ही आग नेमकी कशी लागली हे समजू शकले नाही. रेल्वे अधिकारी या घटनेचा तपास करत आहेत.