Diwali Celebration : प्रियांका चोप्राने धुमधडाक्यात साजरी केली दिवाळी, पण लपवला लेकीचा चेहरा!

प्रियांका चोप्रा आणि निक जोनास यांनी मुलगी मालती आणि मित्रांसोबत लंडनमध्ये दिवाळी आणि हॅलोविन साजरे केले, ज्याचे फोटो त्यांनी सोशल मीडियावर शेअर केले.

प्रियांका चोप्रा आणि गायक निक जोनास वेळोवेळी त्यांची मुलगी मालतीचे फोटो शेअर करत असतात. सध्या दोघेही लंडनमध्ये असून दिवाळी आणि हॅलोविनच्या निमित्ताने प्रियांकाने मालतीचा फोटो शेअर केला होता, ज्यावर काही युजर्सनी प्रश्नही उपस्थित केले होते.

प्रियांकाने तिच्या इंस्टाग्राम अकाऊंटवर अनेक फोटो शेअर केले आहेत, ज्यापैकी एका फोटोमध्ये ती मुलगी आणि पती निकसोबत दिसत आहे. या फोटोत त्याने मालतीचा चेहरा लपवला आहे. तिने आपल्या मुलीच्या चेहऱ्यावर हार्ट इमोजी लावला आहे.

या फोटोमध्ये अभिनेत्रीने लाल रंगाची साडी नेसली आहे. यासोबतच निकही कुर्त्यामध्ये दिसत आहे. मुलीनेही लाल रंगाचा ड्रेस घातला असून तिघेही एकत्र उभे राहून पोज देत आहेत. फोटो शेअर करताना अभिनेत्रीने कॅप्शन लिहिले, ‘Perfect Divalovein’

मुलीचा चेहरा लपवण्याबाबत अनेक युजर्सनी प्रश्न उपस्थित केले. रिचा शर्माने लिहिले की, 'तू आता तिचा चेहरा का लपवत आहेस?' सपना नावाच्या युजरने लिहिले की, ‘मुलीचा चेहरा का ब्लॉक केला आहे?’. दुसऱ्या यूजरने लिहिले की, ‘तुम्ही नेहमी तिचा चेहरा दाखवता, मग आता का लपवला?’

प्रियांकाने आपली मुलगी मालतीला अनेकदा कॅमेऱ्यासमोर आणले आहे. यावेळी अभिनेत्रीने लेकीचा चेहरा झाकल्यामुळे ती लोकांच्या निशाण्यावर आली. या फोटोंना साडे सहा लाखांहून अधिक युजर्सनी लाईक केले आहे.

याआधी, जेव्हा निकचा कॉन्सर्ट होता तेव्हा प्रियांकाने मालतीचे अनेक फोटो शेअर केले होते ज्यात ती खूप क्यूट दिसत होती.

या कार्यक्रमादरम्यान मालतीही स्टेजवर गेली. इतकंच नाही, तर तिला तिच्या वडिलांप्रमाणे माईक आणि हेडफोन्समध्येही रस आहे. मालतीचा हा फोटो खूप क्युट आहे.