Kalki 2898 AD OTT Relase: 'कल्की 2898 एडी’ सिनेमा होणार ओटीटीवर प्रदर्शित, वाचा कधी आणि कुठे

गेल्या काही दिवसांपासून 'कल्की 2898 एडी’ हा चित्रपट चर्चेत आहे. या चित्रपटात सुपरस्टार कलाकारांची फौज पाहायला मिळत आहे. प्रभास, कमल हासन, अमिताभ बच्चन आणि दीपिका पादूकोण महत्त्वाच्या भूमिकेत असणारा हा चित्रपट आज अखेर प्रदर्शित झाला आहे. हा चित्रपट बॉक्स ऑफिसवर धुमाकूळ घालण्यास सज्ज झाला आहे. चला जाणून घेऊया चित्रपटाच्या ओटीटी रिलिजबाबात..

'कल्की 2898 एडी’ या चित्रपटाचे बजेट हे ६०० कोटी रुपये आहे. हा बिग बजेट चित्रपट असल्यामुळे येत्या काळात चित्रपट किती कमाई करतो हे पाहण्यासारखे आहे. या चित्रपटाची जवळपास प्रदर्शनापूर्वीच ५५ कोटी तिकिटे विकली गेली आहेत. त्यामुळे चित्रपट बक्कळ कमाई करणार असे दिसत आहे.

'कल्की 2898 एडी’ या चित्रपटाचे हिंदीमधील व्हर्जन ओटीटीवर प्रदर्शित होणार आहे. हा चित्रपट नेटफ्लिक्स या ओटीटीवर येणार आहे. चित्रपटाच्या हिंदी व्हर्जनचे हक्क जवळपास १७५ कोटी रुपयांना विकले गेले आहेत.

आता 'कल्की 2898 एडी’ हा चित्रपट ओटीटीवर कधी येणार असा प्रश्न सर्वांना पडला आहे. चित्रपटाच्या प्रदर्शनानंतर जवळपास २ महिन्यांनी साधारण सिनेमे ओटीटीवर येतात. त्यामुळे 'कल्की 2898 एडी’ हा सिनेमा देखील दोन महिन्यात ओटीटीवर येण्याची शक्यता आहे. याबाबत कोणतीही अधिकृत माहिती समोर आलेली नाही.

'कल्की 2898 एडी’ या चित्रपटात अमिताभ बच्चन यांनी चित्रपटात अश्वत्थामाची भूमिका साकारली आहे. तर प्रभास हा भैरवाच्या भूमिकेत दिसत आहे. अभिनेत्री दीपिका पादूकोणने सुमथीची भूमिका साकारली आहे. सुमथीच्या पोटी कल्कीचा जन्म होणार असतो. भैरव हा सुमथीची गरोदरपणात काळजी घेत असतो.