Single Use Plastic Ban: प्लास्टिकच्या 'या' उत्पादनांवर आजपासून पूर्ण बंदी

फंक्शन्स आणि पार्टीसाठी वापरल्या जाणार्‍या प्लेट्स, चमचे आणि ग्लासेसवरही सरकारने बंदी घातली आहे. जगातही एक वापराच्या वस्तुंवर बंदी घालण्यात येत आहे.सिंगल यूज प्लास्टिकचा वापर पर्यावरणासाठी धोकादायक आहे.

कँडी बॉक्स आणि सिगारेटच्या पॅकवर प्लॅस्टिक अस्तर लावण्यावरही आतापासून बंदी घालण्यात आली आहे. उत्पादकांनी त्यांच्यासाठी पर्यायी व्यवस्था करावी असही स्पष्टपणे सांगितलं गेलं आहे.

कान स्वच्छ करण्यासाठी वापरल्या जाणार्‍या इअर बड्स प्लास्टिकच्या असतात. त्यामुळे त्यावरही बंदी घालण्यात आली होती. ८० देशांमध्ये प्लास्टिकवर बंदी घालण्यात आली आहे. तर आफ्रिकेतल्या ३० देशांवर ही बंदी घालण्यात आली आहे.

प्लॅस्टिक स्ट्रॉ इत्यादींवर आता बंदी घालण्यात आली आहे. फुगे असो वा शीतपेये, आतापासून पर्यायी मार्ग शोधावा लागणार आहे.चीनमध्येही विघटन न होणाऱ्या प्लास्टिकवर बंदी घालण्यात आली आहे.

थर्माकोलचा वापर घरात विविध कामांसाठी केला जातो. मात्र आता यावरही बंदी घालण्यात आली आहे. खासकरून थर्माकोल गणपतीच्या काळात देशात खूप मोठ्या प्रमाणात वापरला जातो. त्याशिवाय कंपन्या आपल्या बॉक्सच्या पॅकिंगमध्येही थर्माकोलचा जास्त प्रमाणात वापर करतात