Ola Electric Bike Photo: स्पोर्टी लूकसह ओला रोडस्टर इलेक्ट्रिक मोटारसायकल भारतात लॉन्च, पाहा फोटो

ओला इलेक्ट्रिकने आपली पहिली ई-मोटारसायकल रोडस्टर सीरिज अधिकृतपणे लाँच केली, जी जेन 3 प्लॅटफॉर्मवर आधारित आहे. यात रोडस्टर प्रो, रोडस्टर आणि रोस्टर एक्स चा समावेश आहे.

रोडस्टर प्रो रोडस्टर केवळ १.२ सेकंदात ०-४० किमी/ तास वेग पकडते. गेल्या वर्षीच्या संकल्पनेने प्रभावित झालेली त्याची स्ट्रीट नेकेड डिझाइन अधिक व्यावहारिक आणि पारंपारिक शैलीत परिष्कृत करण्यात आली आहे. ही बाईक ताशी १९४ किमीचा टॉप स्पीड आणि सिंगल चार्जवर ५७९ किमी रेंज देईल असा दावा केला जात आहे. यात एडीएएस आणि १० इंचाचा टचस्क्रीन देण्यात आला आहे. दिवाळी २०२५ पर्यंत या इलेक्ट्रिक बाईकची डिलिव्हरी सुरू होणार असून, आरक्षण आजपासून सुरू होणार आहे. रोडस्टर प्रो ८ केडब्ल्यूएचसाठी १ लाख ९९ हजार ९९९ रुपये आणि १६ केडब्ल्यूएचसाठी २ लाख ४९ हजार ९९९ रुपयांच्या सुरुवातीच्या किंमतीत उपलब्ध आहे.

डस्टरची किंमत २.५ किलोवॅट व्हेरिएंटसाठी १ लाख ०४ हजार ९९९ रुपये आहे आणि ४.५ किलोवॅट व्हेरिएंटसाठी १ लाख १९ हजार ९९९ रुपये आहे. तर, ६ किलोवॉट व्हेरिएंटसाठी १ लाख ३९ हजार ९९९ रुपये आहे. या ई-बाईकची डिलिव्हरी पुढील वर्षी जानेवारीमध्ये सुरू होणार आहे.

रोडस्टर २.२ सेकंदात ०-४० किमी प्रतितास वेग पकडू शकते आणि १२६ किमी/ तासाचा टॉप स्पीड गाठू शकते. सिंगल चार्जवर ५७९ किलोमीटरची रेंज देईल, असा दावा केला जात आहे. या बाईकमध्ये ७ इंचाचा टचस्क्रीन आणि डायमंड कट अलॉय व्हील्स देण्यात आले आहेत.

रोडस्टर एक्सची किंमत २.५ किलोवॅट बॅटरी पॅकची किंमत ७४ हजार ९९९ रुपयांपासून सुरू होते. रोडस्टर एक्स २.८ सेकंदात ०-४० किमी प्रति तास वेग पकडू शकते, ज्याची टॉप स्पीड १२४ किमी/ तास आणि सिंगल चार्जवर २०० किमीचा दावा आहे. या मोटारसायकलची बुकींगला सुरुवात झाली असून येत्या जानेवारीपासून डिलिव्हरी सुरुवात होणार आहे. या ई-बाइकमध्ये १८ इंचाची अलॉय व्हील्स आणि ४.३ इंचाची टचस्क्रीन देण्यात आली आहे.

कंपनीने आपल्या इलेक्ट्रिक वाहनांसाठी नवीनतम सॉफ्टवेअर अपडेट मूव्हओएस 5 देखील सादर केले आहे आणि घोषणा केली आहे की ओला मॅप्समध्ये आता ग्रुप नेव्हिगेशनची सुविधा असेल.