PCOS and Weight Loss: हार्मोनल असंतुलनाची ही चिन्हे तुम्हाला माहीत आहेत का? अजिबात करू नका दुर्लक्ष

पीसीओएस ही अशी स्थिती आहे जिथे अंडाशय असामान्य प्रमाणात एंड्रोजन तयार करतात, ज्यामुळे अंडाशयात सिस्ट तयार होते. पीसीओएसची काही सामान्य लक्षणे म्हणजे मासिक पाळीची अनियमितता, मुरुमांची निर्मिती आणि मूड स्विंग्स. हार्मोनल असंतुलनामुळे पीसीओएससह वजन कमी करणे कठीण होऊ शकते. आहारतज्ञ टॅलीन हॅकेटोरियन यांनी पीसीओएससह वेट लॉस जर्नी दरम्यान एखाद्या व्यक्तीस उद्भवू शकणाऱ्या हार्मोनल असंतुलनाची काही चिन्हे स्पष्ट केली आहेत. 
 

पोटावरील चरबी: पीसीओएस असलेल्या स्त्रियांचे रक्तातील साखर आणि कोर्टिसोलच्या पातळीच्या असंतुलनामुळे शरीराच्या मिड सेक्शनमध्ये वजन वाढते.
 

शुगर क्रेविंग: पीसीओएसमध्ये इन्सुलिन प्रतिरोध सामान्य आहे. यामुळे साखरयुक्त आणि चवदार पदार्थांची अनियंत्रित लालसा निर्माण होते.

थकवा: कोर्टिसोल आणि थायरॉईड हार्मोन्स शरीरातील उर्जेची पातळी नियमित करण्यासाठी जबाबदार असतात. हार्मोनल असंतुलन या हार्मोन्सच्या उत्पादनावर परिणाम करू शकते, ज्यामुळे थकवा येतो.
 

केस गळणे: पीसीओएसमध्ये केस गळणे केसांच्या फोलिकल्सभोवती डीएचटी - टेस्टोस्टेरॉनपासून रूपांतरित - जमा झाल्यामुळे होते.
 

अनियमित मासिक पाळी: इन्सुलिन प्रतिरोधामुळे अंडाशयात टेस्टोस्टेरॉनचे अधिक उत्पादन होते. यामुळे ओव्हुलेशन आणि मासिक पाळीच्या नियमिततेवर परिणाम होतो.