WTC Points Table : कसोटी सामना ड्रॉ होताच भारताला मोठा धक्का, कांगारुंना मागे टाकून पाकिस्तानची बाजी

India vs West Indies 2nd Test : भारत आणि विंडिजमध्ये झालेल्या दुसऱ्या कसोटी सामन्याच्या पाचव्या दिवशी पावसाने धुंवाधार बॅटिंग करत सामन्याचा निकाल लावला आहे. 

सतत होत असलेल्या पावसमुळं अखेरचा दिवस वाया गेल्याने सामना ड्रॉ करण्यात आला. परिणामी दोन सामन्यांची कसोटी मालिका भारताने १-० अशा फरकाने जिंकली आहे.

परंतु आता भारत आणि वेस्ट इंडिज यांच्यातील दुसरा कसोटी सामना ड्रॉ होताच डब्ल्यूटीसीच्या क्रमवारीत मोठी उलटफेर झाल्याचं पाहायला मिळत आहे. सर्वात कमी गुण असूनही पाकिस्तानने यादीत पहिलं स्थान मिळवलं आहे.

केवळ एक कसोटी सामना जिंकलेल्या पाकिस्तानचे १२ गुण आहे. भारताचे १६ तर ऑस्ट्रेलियाचे २६ गुण आहेत. गुण कमी असूनही पीटीसीत पाकिस्तानचा संघ सर्वात पुढे आहे. त्यामुळं टीम इंडिया आणि ऑस्ट्रेलियन संघाला मागे टाकून पाकिस्तानने पहिला क्रमांक मिळवला.

डब्ल्यूटीसीच्या ताज्या क्रमवारीत पाकिस्तान पहिल्या, भारत दुसऱ्या, ऑस्ट्रेलिया तिसऱ्या, इंग्लंड चौथ्या आणि वेस्ट इंडिज पाचव्या स्थानावर आहे. डब्ल्यूटीसीचं वर्ष काही महिन्यांपूर्वीच सुरू झालेलं आहे. त्यामुळं आगामी काळात यात मोठे बदल होण्याची शक्यता आहे.