OTT Releases: मे महिन्यात ओटीटीवर भरणार मनोरंजनाचा मेळावा! काय काय बघायला मिळणार? आताचा नोट करा...
OTT Releases: मे महिन्यात ओटीटीवर भरणार मनोरंजनाचा मेळावा! काय काय बघायला मिळणार? आताचा नोट करा...
May 01, 2024 01:59 PM IST
OTT Releases in Month Of May: यंदाच्या मे महिन्यामध्ये प्रेक्षकांसाठी मनोरंजन मेळावा भरणार आहे. क्राइम थ्रिलर, सुपरनॅचरल, ॲक्शन आणि कॉमेडीने परिपूर्ण वेब सीरीज आणि चित्रपट ओटीटीवर प्रदर्शित होणार आहेत.
(1 / 7)
यंदाच्या मे महिन्यामध्ये प्रेक्षकांसाठी मनोरंजन मेळावा भरणार आहे. क्राइम थ्रिलर, सुपरनॅचरल, ॲक्शन आणि कॉमेडीने परिपूर्ण वेब सीरीज आणि चित्रपट ओटीटीवर प्रदर्शित होणार आहेत. जर तुम्हाला घरबसल्या ओटीटीवर चित्रपट किंवा सीरिज कंटेंट पाहणे आवडत असेल आणि येत्या काही दिवसांत तुमच्या मित्रांसोबत घरीच बसून आनंद घेण्याचा विचार करत असाल, तर या महिन्यातील रिलीज आता नोट करा.
(2 / 7)
संजय लीला भन्साळी दिग्दर्शित 'हिरामंडी: द डायमंड बझार' ही वेब सीरिज १ मे रोजी प्रदर्शित होत आहे. या वेब सीरिजमध्ये मनीषा कोईराला, सोनाक्षी सिन्हा, अदिती राव हैदरी, रिचा चढ्ढा, संजीदा शेख आणि शर्मीन सहगल यांच्या मुख्य भूमिका आहेत. ही सीरिज नेटफ्लिक्सवर रिलीज होणार आहे. लाहोरच्या हिरामंडीच्या रेड-लाइट एरियाबद्दल या सीरिजमध्ये पाहायला मिळणार आहे.
(3 / 7)
सोनाली बेंद्रे आणि जयदीप अहलावत यांची वेब सीरिज 'द ब्रोकन न्यूज सीझन २' ३ मे रोजी ‘झी ५’वर प्रदर्शित होत आहे. आवाज भारती न्यूज आणि जोश २४/७ या दोन न्यूज चॅनेलमध्ये शत्रुत्व असल्याचे या वेब सीरिजमध्ये दाखवण्यात आले आहे. दोघेही एकमेकांचे कट्टर शत्रू असून, त्यांच्या वैराचा फायदा राजकारणी घेत आहेत.
(4 / 7)
चित्रपटगृहांमध्ये प्रदर्शित झाल्यानंतर अजय देवगण आणि आर माधवन यांचा 'शैतान' हा चित्रपट आता ओटीटीवर प्रदर्शित होणार आहे. हा चित्रपट ३ मे रोजी नेटफ्लिक्सवर प्रदर्शित होणार आहे.
(5 / 7)
सर्व्हायव्हल थ्रिलर चित्रपट 'मंजुम्मल बॉईज' ५ मे रोजी डिस्ने प्लस हॉटस्टारवर धडकणार आहे. हा चित्रपट २००६मध्ये घडलेल्या एका घटनेवरून प्रेरित आहे. या चित्रपटाने बॉक्स ऑफिसवर जवळपास २०० कोटींचा व्यवसाय केला.
(6 / 7)
सिद्धार्थ मल्होत्रा, दिशा पाटणी आणि राशी खन्ना यांचा चित्रपट 'योद्धा' ॲमेझॉन प्राइम व्हिडीओवर प्रदर्शित होणार आहे. हा चित्रपट १५ मे पासून ओटीटीवर प्रदर्शित होणार आहे.
(7 / 7)
कुणाल खेमू दिग्दर्शित 'मडगाव एक्सप्रेस' हा चित्रपटही याच महिन्यात ओटीटीवर प्रदर्शित होणार आहे. हा चित्रपट १७मे पासून डिस्ने प्लस हॉटस्टारवर प्रदर्शित होणार आहे. या चित्रपटात दिव्येंदू, प्रतीक गांधी, अविनाश तिवारी, नोरा फतेही, उपेंद्र लिमये आणि छाया कदम यांच्या भूमिका आहेत.
इतर गॅलरीज