October OTT Release: ऑक्टोबर महिन्यात ओटीटीवर कोणते चित्रपट आणि वेब सीरिज होणार प्रदर्शित?

पुढचा महिना सणांनी भरलेला आहे. ऑक्टोबरमध्ये नवरात्रीपासून दिवाळीपर्यंत उत्साह असेल. अशा परिस्थितीत तुम्हाला थिएटरमध्ये जाणे थोडे कठीण जाईल. म्हणून, आम्ही तुमच्यासाठी एक यादी तयार केली आहे ज्यामध्ये ऑक्टोबरमध्ये OTT वर प्रदर्शित होणाऱ्या वेब सीरिज आणि चित्रपटांची नावे आहेत.

अक्षय कुमार आणि राधिका मदन यांचा 'सरफिरा' चित्रपट थिएटरमध्ये रिलीज झाल्यानंतर तीन महिन्यांनी OTT वर हिट होणार आहे. हा चित्रपट डिस्ने प्लस हॉटस्टारवर ११ ऑक्टोबरला प्रदर्शित होणार आहे.

सनी सिंग निज्जर आणि आदित्य सील यांचा 'अमर प्रेम की प्रेम कहानी' हा चित्रपट तुम्ही ४ ऑक्टोबरपासून जिओ सिनेमावर पाहू शकता

अनुपम खेर, महिमा चौधरी, नीना कुलकर्णी आणि रणवीर शौरी यांचा 'द सिग्नेचर' चित्रपटही ऑक्टोबरमध्ये प्रदर्शित होत आहे. हा चित्रपट 4 ऑक्टोबरपासून ZEE5 वर प्रदर्शित होईल.

सोनी लिव्हची 'मानवत मर्डर्स' ही सीरिज ४ ऑक्टोबरला प्रदर्शित होणार आहे. या चित्रपटात आशुतोष गोवारीकर आणि सई ताम्हणकर यांच्या प्रमुख भूमिका आहेत.

दाक्षिणात्य चित्रपट 'वाझाई' तामिळ, तेलुगू, मल्याळम आणि कन्नडमध्ये प्रदर्शित होणार आहे. हा चित्रपट डिस्ने प्लस हॉटस्टारवर ११ ऑक्टोबरला प्रदर्शित होणार आहे.