चालता-फिरता मजबूत किल्ला आहे किम जोंग-उन यांची ट्रेन! पाहा त्याची सुंदरता अन् बेजोड सुरक्षा व्यवस्था, PHOTOS
चालता-फिरता मजबूत किल्ला आहे किम जोंग-उन यांची ट्रेन! पाहा त्याची सुंदरता अन् बेजोड सुरक्षा व्यवस्था, PHOTOS
Jan 10, 2025 03:13 PM IST
Kim Jong Up : किम जोंग उन यांच्या गूढ जीवनाचा एक भाग म्हणजे त्यांची बुलेटप्रूफ ट्रेन, जी केवळ त्यांच्या शानो शौकतीचे प्रतीक मानली जात नाही तर त्यांच्या सुरक्षेचे एक अतुलनीय उदाहरण सादर करते.
(1 / 4)
उत्तर कोरियाचा हुकूमशहा किम जोंग उन यांचे नाव ऐकताच जगातील बड्या बड्या देशांच्या तोंडचे पाणी पळते. किम जोंग यांचे विचित्र निर्णय, त्यांचा खास अंदाज आणि त्यांच्या सुरक्षा व्यवस्थेची जगात नेहमीच चर्ता होत असते. मात्र तुम्हाला माहिती आहे का, त्यांच्या रहस्यमयी आयुष्य़ाचा एक मोठा भाग आहे, त्यांची बुलेटप्रूफ ट्रेन. जी केवळ त्यांचा राजेशाही थाट व शानो शौकतीचे प्रतीक नसून त्यांच्या अदभूत सुरक्षेचे बेजोड उदाहरण आहे.
(2 / 4)
किम जोंग उन विमान प्रवास करण्याचे कटाक्षाने टाळतात. ते कुठल्याही देशाच्या दौऱ्यावर जाण्यासाठी तसेच देशात फिरण्यासाठी आपल्या खास ट्रेनमधून प्रवास करणे पसंत करतात. ही ट्रेन त्यांचे वडील किम जोंग इल यांच्याकडून परंपरेने मिळाली आहे. ज्या ट्रेनमध्ये त्यांचे आजोबा किम इल सुंग यांनी १९५० च्या दशकात युद्धाच्या दरम्यान आपले मुख्यालय बनवले होते. या ट्रेनची प्रत्येक बोगी बुलेटप्रूफ व रॉकेट प्रूफ आहे. तसेच यामध्ये बॉम्बस्फोटापासून वाचण्यासाठी खास प्रकारची उपाययोजना केलेली आहे.
(3 / 4)
किम जोंग उन नियमितपणे या ट्रेनमधून प्रवास करत असतात. ज्यावेळी त्यांचा दौरा निश्चित होतो, त्यावेळी संपूर्ण रेल्वे मार्ग एक दिवस आधीच संपूर्णपणे तपासला जातो. त्याचबरोबर या ट्रेनच्या आधी व नंतरही सुरक्षा म्हणून अन्य ट्रेनची व्यवस्था केली जातो. हे निश्चित केले जाते की, किम जोंग उन यांच्या ट्रेनच्या ट्रॅकवर कोणत्याही प्रकारचा धोका नसेल.
(4 / 4)
या ट्रेनमध्ये एकूण २२ बोगी (डबे) आहेत, ज्यामध्ये लक्झरी सोयी-सुविधा उपलब्ध आहेत. यामध्ये मोठ-मोठे डायनिंग हॉल, आधुनिक बाथरूम तसेच मनोरंजनाची सोयही असते. या ट्रेनमध्ये जजगातील प्रसिद्ध शेफ कडून खास प्रकारचे पक्वान्न तयार केले जातात. किम जोंग उन यांचा लांबचा प्रवास मनोरंजक बनवण्यासाठी नृत्य कलाकारांचे एक पथक त्यांच्यासोबत चालत असते.
(5 / 4)
२००४ मध्ये झालेल्या एका रेल्वे बॉम्बस्फोटानंतर ट्रेनची सुरक्षा आणखी मजबूत करण्यात आली आहे. ट्रेनमध्ये एडवान्स्ड रडार आणि एक्सप्लोजन-प्रूफ भिंती लावण्यात आल्या आहेत. ही ट्रेन केवळ किम जोंग उन यांच्या कुटूंबीयांसाठी नाही, तर त्यांच्या सुरक्षा टीम आणि राजकीय सल्लागारांसाठीही उपयोगात आणली जाते.
इतर गॅलरीज