National Handloom Day: दिसायचंय राणीसारखं रॉयल? तुमच्या कलेक्शनमध्ये हव्याच हॅन्डलूमच्या 'या' साड्या

भारतामध्ये दरवर्षी ७ ऑगस्ट रोजी 'राष्ट्रीय हातमाग दिन' साजरा केला जातो. हा दिवस साजरा करण्याचा मुख्य उद्देश हातमाग विणकरांच्या मेहनतीला प्रोत्साहन देणे हा आहे. 

हा दिवस केवळ हातमाग विणकरांना प्रोत्साहन देण्यासाठीच नव्हे, तर आजच्या तरुणांना या क्षेत्रात करिअर करण्यासाठी प्रेरित करण्यासाठी साजरा केला जातो. तुम्हीसुद्धा हा दिवस साजरा करून विणकरांना प्रोत्साहन देऊ शकतो. त्यासाठी तुम्ही तुमच्या साड्यांच्या कलेक्शनमध्ये काही खास हातमाग साड्यांचा समावेश करू शकता. 

आज आम्ही तुम्हाला अशाच काही हातमागाच्या साड्या दाखवणार आहोत, ज्या तुमच्या कलेक्शनमध्ये नक्कीच असाव्यात. वास्तविक हातमागावरची साडी जरी महाग असली तरी, ती तुम्ही तुमच्या बजेटनुसार खरेदी केलीच पाहिजे. कारण एक साडी तयार करण्यासाठी विणकरांनी  घेतलेली असते. सर्वकाही हातावर केलं जातं. राष्ट्रीय हातमाग दिनी, तुमच्या कलेक्शनमध्ये  किमान एक हातमाग साडीचा समावेश करा. असे केल्याने तुम्ही हातमाग विणकरांच्या मेहनतीचा आदरही करू शकता.

महाराष्ट्राची शान असलेली पैठणी साडी देशातच नव्हे जगभरात प्रसिद्ध आहे. महाराष्ट्रातील औरंगाबादपासून ५० किमी अंतरावर असलेल्या पैठण नावाच्या ठिकाणी सातवाहन राजवटीत या साडीची निर्मिती सुरू झाली. ते त्यांच्या उत्कृष्ट रेशीम आणि हाताने विणलेल्या जरीच्या विणकामासाठी ओळखले जातात. ही साडी मलबारी सिल्कचा वापर करून बनवली जाते. त्यावर सोन्याच्या धाग्याचे विनकाम असते. 
 

बनारसी साडी
भारतातील प्रत्येक राज्यात एक खास साडी प्रसिद्ध आहे. उत्तर प्रदेशातील वाराणसी शहरात बनणाऱ्या बनारसी साड्यांची अशीच लोकप्रियता आहे. या साड्या त्यांच्या सुंदर जरी, सिल्क आणि ब्रोकेड विणकामासाठी ओळखल्या जातात. साड्या तुम्हाला वेगवेगळ्या किंमतीला मिळतील. बरेच लोक सोन्या-चांदीच्या तारांनी भरतकामही करून घेतात. अशा परिस्थितीत तुम्हाला शक्य असेल तर तुम्ही तुमच्या कलेक्शनमध्ये किमान एक बनारसी साडीचा समावेश करायला हवा. 
 

कसावु साडी
केरळच्या पारंपारिक पोशाखात या साडीचा समावेश आहे. ही साडी ऑफ-व्हाइट रंगाची असून त्याची बॉर्डर सोनेरी रंगाची असते. केरळच्या स्त्रिया लग्न किंवा पूजा सारख्या शुभ कार्यक्रमात ते नेसतात. ही साडी देखील हाताने बनवली  जाते, ज्यामुळे तिचा लूक सुंदर दिसतो.

कांजीवरम साडी
कांचीपुरम, तामिळनाडू येथे बनवलेल्या कांजीवरम साड्या दिसायला खूप सुंदर असतात. या साड्यांवर सिल्क आणि जरीचे बारीक काम केलेले असते. या साड्या प्रत्येक स्त्रीला शोभतात, पण जेव्हा एखादी नवीन नवरी ती घालते तेव्हा तिचा लूक खूपच सुंदर दिसतो. अभिनेत्रीपासून साड्यांच्या चाहत्या आहेत. 

पटोला साडी 
पटोला साडी ही गुजरातची खासियत आहे. पटोला हा शब्द संस्कृत 'पट्टकुल्ला' मधून आला आहे. पटोला साड्या पाटण प्रदेशातून येतात आणि त्यांच्या दुहेरी विणकामासाठी ओळखल्या जातात. या साड्यांचा इतिहास ९०० वर्षांहून अधिक जुना आहे. साड्यादेखील महाग असतात.