Nail Care Tips: नखे खराब झालीत? काळजी करू नका, फक्त या घरगुती उपायाने मिळेल चमकदार नखं

काही लोक त्यांच्या त्वचे इतके नखांच्या काळजीकडे लक्ष देत नाहीत. पण नखांची काळजी नेहमीच घेणं गरजेचं आहे. जर आपण आपल्या नखांची काळजी घेतली नाही तर समस्या उद्भवू शकतात. जोपर्यंत नखांची समस्या कायम राहत नाही किंवा आजूबाजूच्या त्वचेची चमक कमी होत नाही तोपर्यंत कोणीही नखांच्या काळजीकडे लक्ष देत नाही. पण त्यासाठी तुम्हाला जास्त वेळ आणि पैसा खर्च करण्याची गरज नाही. आपण घरी असलेल्या गोष्टींनी आपली नखे चमकवू शकता. नखांच्या आरोग्यातही सुधारणा होऊ शकते.

प्रथम आपली नखे स्वच्छ धुवा. नंतर जुन्या टूथब्रशला टूथपेस्ट लावा आणि चांगले स्क्रब करा. नंतर स्क्रबरने नखे स्क्रब करा. नंतर टूथपेस्ट धुवून घ्या. नारळाचे तेल किंवा ऑलिव्ह ऑईल नखांना लावा आणि चांगली मालिश करा.

जे लोक नेहमी नेल पॉलिश वापरतात त्यांची नखे पिवळी असतात. या समस्येपासून आपल्या नखांना दूर ठेवण्यासाठी सुट्टीच्या दिवसांत आपल्या नखांची काळजी घ्या. नखांवर लिंबाचा रस लावा आणि चांगले चोळा. यामुळे नखे चमकतात.
 

तुमच्या घरात जुने बेसन असेल तर ते फेकून देऊ नका. बेसन थोडे उन्हात पसरवावे. नंतर बेसन आणि लिंबाचा रस मिक्स करा. जुन्या टूथब्रशवर घेऊन पायाच्या नखांवर चोळा. यामुळे नखांचे आरोग्य तर सुधारतेच शिवाय नखे चमकतात.
 

अनेक वेळा काही जीवाणूंमुळे नखांच्या सभोवतालची साल वाढते. त्यामुळे नखांची अवस्था बिघडते. २ लसूणच्या पाकळ्या बारीक करून नखांच्या भोवती लावा. थोड्या वेळाने धुवून टाका. लसणाचा रस काही दिवस नखांवर लावल्यास खूप फायदा होतो. लसणाचा रस नखांच्या सभोवतालची कोरडी त्वचा काढून टाकतो.