Mohammed Shami : जे बुमहराहला जमलं नाही ते शमीनं करून दाखवलं! हॅट्ट्रिक घेतली, सर्वाधिक विकेटही घेतले, पाहा
Mohammed Shami : जे बुमहराहला जमलं नाही ते शमीनं करून दाखवलं! हॅट्ट्रिक घेतली, सर्वाधिक विकेटही घेतले, पाहा
- Mohammed Shami Birthday : टीम इंडियाचा वेगवान गोलंदाज मोहम्मद शमी आज ३४ वा वाढदिवस साजरा करत आहे. शमी २०२३ च्या वनडे विश्वचषकानंतर मैदानात दिसलेला नाही. दुखापतीमुळे शमीवर शस्त्रक्रिया करण्यात आली होती आणि आता तो राष्ट्रीय क्रिकेट अकादमीमध्ये पुनरागमन करण्यासाठी कठोर परिश्रम घेत आहे.
वनडे विश्वचषकात भारताकडून सर्वाधिक विकेट्स- मोहम्मद शमी हा एकदिवसीय विश्वचषकात भारताकडून सर्वाधिक विकेट घेणारा गोलंदाज आहे. झहीर खान आणि जवागल श्रीनाथ यांना मागे टाकून शमीने २०२३ च्या एकदिवसीय विश्वचषकात ही कामगिरी केली होती.
शमीने भारतासाठी १८ विश्वचषक सामने खेळताना ५५ बळी घेतले आहेत. २०२३ च्या एकदिवसीय विश्वचषकात तो सर्वाधिक विकेट घेणारा गोलंदाज होता. शमीने केवळ ७ सामन्यात २४ विकेट घेतल्या होत्या.
शमीने २०१५ च्या वनडे वर्ल्ड कपमध्ये भारतासाठी १७ विकेट घेतल्या होत्या. त्यानंतर २०१९ च्या एकदिवसीय विश्वचषकात त्याने १४ विकेट घेतल्या. त्यानंतर २०२३ च्या एकदिवसीय विश्वचषकात त्याने २४ विकेट्स घेऊन वादळ निर्माण केले. या स्पर्धेत न्यूझीलंडविरुद्ध खेळल्या गेलेल्या उपांत्य फेरीत शमीने ७ विकेट्स घेतल्या होत्या.
शमीने २०१९ विश्वचषकात अफगाणिस्तानविरुद्धच्या सामन्यात हॅट्ट्रिक घेतली होती. एकदिवसीय विश्वचषकात हॅट्ट्रिक घेणारा तो दुसरा भारतीय वेगवान गोलंदाज ठरला.
शमीची आंतरराष्ट्रीय कारकीर्द- मोहम्द शमी हा भारतासाठी तिन्ही फॉरमॅट खेळणारा गोलंदाज आहे. त्याने आतापर्यंत ६४ कसोटी, १०१ एकदिवसीय आणि २३ टी-20 आंतरराष्ट्रीय सामने खेळले आहेत.
कसोटीच्या १२२ डावांमध्ये त्याने २२९ विकेट्स घेतल्या आहेत. याशिवाय शमीने एकदिवसीय सामन्यांच्या १०० डावांमध्ये १९५ विकेट्स घेतल्या आहेत. तर त्याने टी-20 आंतरराष्ट्रीय सामन्यांच्या २३ डावांमध्ये २४ विकेट्स घेतल्या आहेत.