T20 WC 2024 : या सलामीच्या जोड्या पॉवरप्लेमध्येच सामना संपवू शकतात, चौकार-षटकार ठोकण्यात माहीर
T20 WC 2024 : या सलामीच्या जोड्या पॉवरप्लेमध्येच सामना संपवू शकतात, चौकार-षटकार ठोकण्यात माहीर
- most dangerous opening pairs in t20 world cup 2024 : टी-20 विश्वचषक २०२४ वेस्ट इंडिज आणि अमेरिकेत खेळवला जाणार आहे. भारतीय वेळेनुसार २ जूनपासून ही स्पर्धा सुरू होणार आहे. पहिला सामना अमेरिका आणि कॅनडा यांच्यात होणार आहे. अशा परिस्थितीत सर्व संघ आपल्या खेळाडूंसह सज्ज आहेत.
सामन्याची चांगली सुरुवात सलामीच्या चांगल्या भागीदारीने होते आणि चाहत्यांना मजाही तेव्हाच येते जेव्हा सलामीवीर फलंदाज पॉवरप्लेमध्ये स्फोटक फलंदाजी करून मनोजरंजन करतात.
अशा स्थितीत, या टी-20 वर्ल्डकपमध्ये अशा ४ सलामीच्या जोडी आहेत, ज्या आपल्या स्फोटक फलंदाजीने आणि भागीदारीने सामना पॉवरप्लेमध्येच एकतर्फी करू शकतात.
फिल सॉल्ट आणि जॉस बटलर: पाकिस्तानविरुद्धच्या नुकत्याच झालेल्या सामन्यात सॉल्ट आणि बटलरने केवळ ३८ चेंडूत ८२ धावांची भागीदारी केली आणि संघाला १५८ धावांचे सोपे लक्ष्य गाठण्यात मदत केली. ९ टी20 आंतरराष्ट्रीय डावांमध्ये या जोडीने ६१.५५ च्या सरासरीने ५५४ धावा केल्या आहेत, ज्यामध्ये डिसेंबर २०२३ मध्ये वेस्ट इंडिजविरुद्ध ११७ धावांची सर्वोत्तम भागीदारी आहे.
रोहित शर्मा आणि यशस्वी जैस्वाल: T20 विश्वचषकातील सर्वोत्तम सलामीच्या जोडींपैकी एक रोहित शर्मा आणि यशस्वी जैस्वाल यांनी कसोटी सामन्यांमध्ये ६१.२५ च्या सरासरीने ९८० धावा जोडल्या आहेत. गेल्या ३ T20 आंतरराष्ट्रीय सामन्यांमध्ये जयस्वालने १३२ धावा केल्या आहेत, तर रोहितने १२१ धावा केल्या आहेत.
डेव्हिड वॉर्नर आणि ट्रॅव्हिस हेड: डेव्हिड वॉर्नर आणि ट्रॅव्हिस हेड विश्वचषक २०२३ च्या बाद फेरीत सलामीला दिसले. यावर्षी दोघेही न्यूझीलंडविरुद्धच्या टी-२० मालिकेत एकत्र फलंदाजीसाठी आले होते. विश्वचषक २०२३ च्या उपांत्य फेरीच्या सामन्यात या जोडीने केवळ ३७ चेंडूत ६० धावा केल्या होत्या.
ब्रँडन किंग आणि जॉन्सन चार्ल्स: ब्रँडन किंग आणि जॉन्सन चार्ल्स वेस्ट इंडिजसाठी उत्कृष्ट आणि मजबूत सलामीवीर सिद्ध होऊ शकतात. ब्रँडन किंगने त्याच्या ५० टी-20 आंतरराष्ट्रीय सामन्यांमध्ये १३४.९ च्या स्ट्राइक रेटने १३०९ धावा केल्या आहेत. यामध्ये १० अर्धशतकांचा समावेश आहे. नाबाद ८५ धावा ही त्याची सर्वोत्तम धावसंख्या आहे. तर जॉन्सन चार्ल्सने ५१ आंतरराष्ट्रीय टी-20 सामन्यांमध्ये १३३ च्या स्ट्राइक रेटने ११६२ धावा केल्या आहेत. यामध्ये ५ अर्धशतके आणि १ शतकाचा समावेश आहे. जॉन्सन चार्ल्सची सर्वोत्तम धावसंख्या ११८ धावा आहे.