ट्विंकल खन्ना आणि अक्षय कुमारच्या घरी नव्या पाहुण्याचे आगमन, पाहा कुटुंबातील खास सदस्याचे फोटो

बॉलिवूड अभिनेत्री ट्विंकल खन्ना ही सोशल मीडियावर प्रचंड सक्रिय असते. तिने नुकताच श्वानासोबतचे फोटो शेअर केले आहेत. तिच्या या पाळीव श्वानाचे नाव मिस्टर जीवेस असे आहे.

ट्विंकलने पाळीव श्वानासोबत फोटो शेअर करत, 'मिस्टर जीवेससोबत पोज देताना. आपल्या मोहक सवयीमुळे आमचे लाडके ब्रिटीश मिस्टर जीवेस यांना आता विविध पाळीव प्राण्यांच्या नावांनी प्रेमाने संबोधले जाते, त्यातील सर्वात उल्लेखनीय म्हणजे 'जीवन.' तुम्ही कुणाला दिलेलं सर्वात विचित्र टोपणनाव कोणतं?" असे कॅप्शन दिले आहे.

ट्विंकल खन्ना अनेकदा इन्स्टाग्रामवर मिस्टर जीवेसची झलक शेअर करत असते. मग ते पार्कमधील त्यांच्या उन्हाच्या सहलीचे असो किंवा फोटोशूटमधील फोटो असो.

जून २०२४ मध्ये, ट्विंकल परदेशात गेली होती. तेव्हा त्याच्यासोबतचे काही फोटो तिने सोशल मीडियावर शेअर केले आहेत.

ट्विंकल खन्नाने मुलगी नितारा आणि जीवन एकत्र वेळ घालवतानाचे काही फोटो शेअर केले होते. "माझी चिमुकली आणि मिस्टर जीवेससोबत एक साधा पण खास रविवार. तुमच्या आयुष्यात आनंद वाढवणाऱ्या छोट्या छोट्या गोष्टींबद्दल सांगा..." असे कॅप्शन तिने फोटोला दिले.