Mumbai Pune Expressway : मुंबई-पुणे मार्गावर दोन ठिकाणी दरडी कोसळल्या; दोन्ही बाजूंनी मोठी वाहतूक कोंडी

landslide on mumbai pune expressway today : मुंबई-पुणे महामार्गावरील खंडाळा आणि लोणावळा जवळ दरडी कोसळल्याच्या घटना समोर आल्या आहे. सोमवारी मध्यरात्री या दरडी कोसळल्या आहे. त्यामुळं राज्यात एकच खळबळ उडाली.

landslide on mumbai pune expressway : दरड कोसळल्याच्या घटना समोर आल्याने महामार्गावरील वाहतूक ठप्प झाली होती. मुंबईच्या दिशेने जाणाऱ्या वाहनांची काही किलोमीटरपर्यंत रांगा लागल्याचं पाहायला मिळालं.

अधिकाऱ्यांनी तातडीने घटनास्थळी धाव घेत स्थितीचा आढावा घेतला. त्यानंतर दुपारी दोन तास महामार्ग संपूर्णपणे बंद ठेवून दरडी हटवण्याचं काम हाती घेण्यात आलं.

सुदैवाने दोन ठिकाणी घडलेल्या या घटनेत कुणालाही इजा झालेली नाही. तसेच कोणत्याही वाहनांचं या घटनेत नुकसान झालं नसल्याची माहिती अधिकाऱ्यांनी दिली आहे.

मुंबई-पुणे महामार्गावरील वाहतूक ठप्प झाल्याने शेकडो वाहनं जुन्या मुंबई-पुणे महामार्गावरुन वळविण्यात आली. दरडी हटवण्यात आल्यानंतर वाहतूक सुरळीत केली जाणार असल्याची माहिती आहे.