Mangal Gochar: मंगळानं केलंय वृषभ राशीत गोचर; ‘या’ राशींना मिळणार भरपूर पैसा अन् समृद्धी! वाचा…

मंगळ हा नऊ ग्रहांचा सेनापती आहे. जर मंगळ एखाद्या राशीत श्रेष्ठ असेल तर तो त्यांना सर्व प्रकारचे धाडसी योग देतो, असे ज्योतिष शास्त्र सांगते.

मंगळ ४५ दिवसांतून एकदा आपली स्थिती बदलू शकतो. त्याच्या गोचराचा सर्व राशींवर मोठा प्रभाव पडतो. मंगळाने काहीच दिवसांपूर्वी वृषभ राशीत प्रवेश केला आहे आणि तो आता पुढचे ४५ दिवस त्याच राशीत राहील. 

आधीच गुरू वृषभ राशीत गोचर करत आहे आणि भगवान मंगळ त्याला साथ देत आहे. मंगळाच्या वृषभ संक्रमणाचा सर्व राशींवर परिणाम होणार असला, तरी काही राशी अशा आहेत, ज्यांना खूप फायदा होणार आहे. पाहूयात या कोणत्या राशी आहेत. 

मेष : आपल्या राशीच्या दुसऱ्या भावात मंगळ भ्रमणासाठी येतो. हा योग तुम्हाला नशीबाचा फायदा मिळवून देणार आहे. आर्थिक स्थिती सुधारेल. नातेवाइकांकडून होणाऱ्या सर्व अडचणी कमी होतील. लव्ह लाईफ सुरळीत होईल. वैवाहिक जीवनातील सर्व समस्या कमी होतील. तुमच्या लव्ह लाईफमध्ये बदल होतील.

वृषभ : तुमच्या राशीतील बाराव्या भावाचा स्वामी मंगळ पहिल्या भावात भ्रमण करत आहे. यामुळे तुमचे तुमच्या जीवनसाथीशी चांगले संबंध राहतील. पती-पत्नीमधील प्रेम वाढेल आणि दांपत्य जीवनात आनंद वाढेल.

कर्क : मंगळ तुमच्या राशीच्या अकराव्या भावात भ्रमण करत आहे. परंतु, प्रेम जीवनात आनंद मिळेल. वैवाहिक जीवनातील सर्व अडचणी कमी होतील. आनंदाची कमतरता भासणार नाही. जोडीदारासोबत प्रगती कराल.