Mangal Gochar : शनीच्या राशीत होणार मंगळाचं गोचर; ‘या’ ४ राशींसाठी पुढील ४६ दिवस असणार त्रासदायक!

२० ऑक्टोबर २०२४ रोजी मंगळ गोचर करून कर्क राशीत प्रवेश करेल आणि ६ डिसेंबर २०२४पर्यंत कर्क राशीत राहील. मंगळ शनीच्या राशीत प्रवेश करत आहे. कर्क राशीतील या गोचराला ज्योतिषशास्त्राच्या दृष्टिकोनातून शुभ म्हणता येणार नाही.

शनी-मंगळ बनवतील षडाष्टक योग : कर्क राशीत मंगळाच्या संक्रमणामुळे मंगळ आणि शनी एकमेकांपासून सहाव्या आणि आठव्या भावात असले, तरी षडाष्टक योग तयार करतील. हा षडाष्टक योग अशुभ फळ देणारा आहे. यामुळे देशात आणि जगात हिंसाचार आणि दु:ख वाढेल. यामुळे ४ राशीच्या लोकांचा ही नाश होईल. जाणून घ्या कोणत्या ४ राशींना पुढचे ४६ दिवस मंगळ आणि शनीचा त्रास होईल.

मेष : मेष राशीचा स्वामी मंगळ असून मंगळाचे शनीच्या राशीत होणारे संक्रमण आणि षडाष्टक योग मेष राशीच्या व्यक्तींसाठी अशुभ आहे. या राशीच्या लोकांच्या जीवनातील ऐशोआराम कमी होईल. घरगुती आघाडीवर तुम्हाला अनेक समस्यांना सामोरे जावे लागेल. करिअरमधील चढ-उतारही तुम्हाला त्रास देतील. खर्चात वाढ होईल. ताणतणावाचे प्राबल्य राहील.

सिंह : सिंह राशीच्या लोकांना मंगळाचे संक्रमण अनेक समस्या देईल. कामाच्या ठिकाणी तणाव राहील. आड येणाऱ्या संधी हिरावून घेतल्या जातील. एकापाठोपाठ एक नुकसान होऊ शकते. खर्चात वाढ होईल. जोडीदारासोबत वाद होऊ शकतात. नात्यात तणाव निर्माण होईल.

धनु : धनु राशीच्या व्यक्तींसाठी मंगळाचे संक्रमण अनेक चढ-उतार घेऊन येईल. एकीकडे आर्थिक लाभ होण्याची शक्यता आहे, तर, दुसरीकडे खर्च ही होईल. कामाचा ताण वाढेल. करिअरमध्ये आव्हाने येऊ शकतात. व्यवसाय मंदावेल. नात्यात समन्वयाचा अभाव राहील.

मीन : मंगळाचे संक्रमण मीन राशीच्या लोकांच्या आयुष्यात अनेक समस्या निर्माण करू शकते. व्यावसायिक नुकसान, नोकरीचा ताण यामुळे वैयक्तिक आयुष्यावरही वाईट परिणाम होईल. वैयक्तिक जीवनात व्यत्यय येईल. डोळ्यांची काळजी घ्या, काही समस्या असल्यास डॉक्टरांचा सल्ला घ्या.