Mahashivratri : महाशिवरात्रीला या गोष्टी केल्याने होईल आर्थिक प्रगती, महादेव होतील प्रसन्न

दरवर्षी माघ महिन्यातील कृष्ण पक्षाच्या चौदाव्या दिवशी म्हणजे चतुर्दशीला महाशिवरात्री उत्सव साजरा केला जातो. या दिवशी भगवान शिव आणि माता पार्वतीची पूजा करण्याची प्रथा आहे. या तिथीला महादेव आणि माता पार्वती यांचा विवाह झाला असे मानले जाते, म्हणून याला शिव-पार्वतीच्या संगमाचा दिवस असेही म्हणतात. असे मानले जाते की या दिवशी भक्ताने खऱ्या मनाने शिव परिवाराची पूजा केली तर त्याला सुख-समृद्धीचा आशीर्वाद मिळतो. याशिवाय व्यक्तीच्या वैवाहिक जीवनातील समस्याही दूर होतात.

हिंदू दिनदर्शिकेनुसार, यावर्षी महाशिवरात्रीचा सण २६ फेब्रुवारी रोजी साजरा केला जाईल. या तिथीला श्रावण नक्षत्राची युती होत आहे, जी या दिवशी सायंकाळी ५ वाजून ८ मिनिटांपर्यंत राहील. याशिवाय या दिवशी परिघा योगही बनत आहे. अशावेळी जर तुम्ही काही खास उपाय केले तर तुमच्या सर्व इच्छा पूर्ण होतील.  

महाशिवरात्रीच्या दिवशी विधीनुसार शिवलिंगाची पूजा करावी आणि उपवास ठेवावा. पूजेदरम्यान पाण्यात मध मिसळून शिवलिंगावर अभिषेक करावा. यामुळे नोकरी, करिअर आणि व्यवसायातील अडथळे दूर होतात. असे मानले जाते.

या दिवशी भगवान शंकराला भांग, धोत्राची फुले अर्पण करावीत, अशी धार्मिक मान्यता आहे, ज्यात भगवान शंकर प्रसन्न होतात

जर एखाद्या व्यक्तीला लग्नात काही अडचण येत असेल तर त्याने या दिवशी शिवलिंगाला केशर मिश्रित दूध अर्पण करावे. यावेळी महादेवाला पिवळी फुले अवश्य अर्पण करा, यामुळे व्यक्तीच्या जीवनात सुख-समृद्धी येते.