SSC Exam: दहावीच्या परीक्षेला राज्यभरात सुरुवात! १५ लाखाहून अधिक विद्यार्थी देणार परीक्षा

राज्य माध्यमिक व उच्च माध्यमिक शिक्षण मंडळाच्या वतीने घेतली जाणारी दहावीची परीक्षा आज पासून (१ मार्च) सुरू झाली आहे.

यावर्षी संपूर्ण राज्यातून तब्बल १५ लाख ७७ हजार २५६ विद्यार्थी ही परीक्षा देत आहेत. या साठी राज्यातील ५३३ परीक्षा केंद्र तयार आहेत.

यात ८ लाख ४४ हजार १६ ही मुले असून ७ लाख ३० हजार ६२ मुली आहेत. गेल्या वर्षीच्या तुलनेत ६१ हजार विद्यार्थी हे कमी बसले आहेत.

विद्यार्थ्यांना सकाळी साडे दहा वाजता परीक्षा केंद्रावर पोहोचणे गरजेचे तर दुपारच्या सत्रात २.३० वाजता परीक्षा केंद्रावर पोहोचणे गरजेचं आहे. हॉल तिकीटवर देखील टाईमटेबल नमूद केलेले आहे.

या परीक्षेचं टेन्शन न घेता तुमच्या तयारीवर विश्वास ठेवा आणि आत्मविश्वासाने लिहा. तुम्हाला यश नक्कीच मिळेल.