Mahashivratri : महाशिवरात्रीला घरी लावा ही ३ झाडे, वास्तूनुसार सुख-समृद्धीसह सौभाग्य प्राप्त होईल

माघ महिन्यात साजरी होणारी महाशिवरात्री ही शिवपूजनासाठी खास आणि मोठी तिथी आहे. पौराणिक कथेनुसार शिवपार्वतीच्या विवाहाच्या या शुभ तिथीला देशभरात हा शुभ दिवस साजरा केला जातो. धार्मिक मान्यतेनुसार शिवरात्रीच्या दिवशी आदिदेव महादेवाची पूजा केल्याने अपार लाभ होतो.

शिवरात्रीच्या दिवशी देवाधिदेव महादेवाला प्रसन्न करण्यासाठी काही झाडे घरी आणू शकतात. शास्त्रानुसार शिवरात्रीच्या दिवशी घरामध्ये काही झाडे लावल्यास भाग्य आणि समृद्धी येते असे सांगितले आहे. शिवरात्री या वर्षी ८ मार्च रोजी साजरी होत आहे आणि त्यादिवशी घरामध्ये काही खास प्रकारचे झाड लावले तर तुमचे नशीब चमकू शकते. महाशिवरात्रीला घरामध्ये झाड लावल्याने सौभाग्य प्राप्त होते.

धोतरा -

वास्तुशास्त्रानुसार घरामध्ये काटे असलेले झाड असेल तर ते चांगले फळ देत नाही. परंतु भगवान शंकराला धोतर्‍याचे फूल वाहतात. हे फुल महादेवाला खूप प्रिय आहे. शास्त्र सांगते की, शिवरात्रीच्या दिवशी शिवाचे आवडते धोतराचे झाड घरी आणल्यास सुख-समृद्धी येते. सौभाग्य प्राप्त होते.

बेलपत्र - 

शिवपूजेत बेल अर्पण केली जाते. देवाधिदेवाची बेल वाहून पूजा केली जाते आणि बेलपत्र शिवरात्रीच्या दिवशी शिवाला अर्पण केल्यास लाभ होतो. त्यामुळे ८ मार्चला शिवरात्रीच्या दिवशी बेलाचे झाड घरी आणून लावले तर भरपूर फायदा व लाभ होतो, असे सांगितले जाते.

शमी- 

शिवपूजेच्या दिवशी शमीच्या झाडाची पाने महादेवाला अर्पण केली जातात. शमीच्या झाडाची पाने अर्पण करून शिवशंकराची पूजा केली जाते आणि देवाच्या पूजेसाठी जे शमीचे झाड लागते, ते घरात लावणे चांगले. परिणामी, आपण ८ मार्च रोजी शमीचे झाड घरी लावू शकता. असे सांगितले जाते की, ते आनंद आणि समृद्धी आणते.