Madhya Pradesh Fire : हरदा कारखाना दुर्घटनेतील मुख्य आरोपी राजेश अग्रवालला अटक, भीषण स्फोटाचे भयावह पाहा दृश
Madhya Pradesh Fire : हरदा कारखाना दुर्घटनेतील मुख्य आरोपी राजेश अग्रवालला अटक, भीषण स्फोटाचे भयावह पाहा दृश
Feb 07, 2024 06:41 AM IST
- Madhya Pradesh Fire: हरदा दुर्घटनेतील मुख्य आरोपी आणि फटाका कारखान्याचे मालक राजेश अग्रवाल याला पोलिसांनी अटक केली आहे. या अपघातात आतापर्यंत ११ जणांचा मृत्यू झाला आहे. तर २०० हून अधिक जखमी आहेत.
(1 / 7)
हरदा दुर्घटनेतील मुख्य आरोपी आणि फटाका कारखान्याचे मालक राजेश अग्रवाल याला पोलिसांनी अटक केली आहे. (PTI)
(2 / 7)
मध्य प्रदेशातील हरदा येथे मंगळवारी सकाळी फटाक्यांच्या कारखान्यात भीषण स्फोट झाला. स्फोटाचा आवाज इतका मोठा होता की अनेक किलोमीटर दूरपर्यंत लोकांना तो ऐकू आला. या स्फोटामुळे जवळपासच्या डझनभर घरांचे नुकसान झाले आहे. परिसर पूर्णपणे जळून राख झाला आहे. (AFP)
(3 / 7)
या अपघातात आतापर्यंत ११ जणांचा मृत्यू झाला आहे. सुमारे २०० लोक गंभीर जखमी झाले आहेत. याप्रकरणी मोहन सरकारने मोठी कारवाई केली आहे. या अपघातातील मुख्य आरोपी आणि फटाका कारखान्याचा मालक राजेश अग्रवाल याला पोलिसांनी पकडले आहे. याप्रकरणी एकूण तीन जणांना अटक करण्यात आली आहे.(AFP)
(4 / 7)
पोलिसांनी मंगळवारी रात्री नऊ वाजता राजगड येथून राजेश अग्रवाल याला पकडले. मिळालेल्या माहितीनुसार, तो मध्य प्रदेशातून उज्जैनमार्गे पळून जाण्याचा विचार करत होता. राजेशसोबतच पोलिसांनी सोमेश अग्रवाल आणि रफिक खान यांनाही अटक केली आहे. पोलिसांनी तिघांनाही सारंगपूर येथून अटक केली आहे. हे तिघेही फटाक्यांच्या कारखान्यात भागीदार आहेत. सारंगपूर एसडीओपी अरविंद सिंह यांनी सांगितले की, ५० पोलिसांसह तीन आरोपींना हरदा येथे पाठवले जाईल, त्यासाठी कायदेशीर तयारी पूर्ण झाली आहे.(PTI)
(5 / 7)
मिळालेल्या माहितीनुसार, सुमारे तीन किलोमीटर अंतरापर्यंत स्फोटाचा आवाज ऐकू आला. अपघाताच्या वेळी फटाका कारखान्यात सुमारे एक टन बारूद होती. कारखान्यात झालेल्या स्फोटात आतापर्यंत ११ जणांचा मृत्यू झाला आहे. बचावकार्य सुरू आहे. या अपघातात २०० हून अधिक लोक जखमी झाले आहेत. (PTI)
(6 / 7)
जखमींना रुग्णालयात दाखल करण्यात आले आहे. अग्निशमन दलाच्या ५० हून अधिक गाड्या घटनास्थळी आहेत. बुलडोझरच्या साह्याने ढिगारा साफ करण्यात येत आहे(ANI)
(7 / 7)
पंतप्रधान नरेंद्र मोदी यांनी या अपघातावर शोक व्यक्त करत मृतांच्या कुटुंबीयांना प्रत्येकी दोन लाख रुपयांची भरपाई जाहीर केली आहे. या दुर्घटनेनंतर कठोर कारवाई करण्यात येईल, असे राज्याचे मुख्यमंत्री मोहन यादव यांनी म्हटले आहे. त्यांनी मृतांना प्रत्येकी चार लाख रुपयांची भरपाई जाहीर केली आहे. एका अधिकाऱ्याने सांगितले की, घटनास्थळी सुमारे ४०० पोलिसांना पाठवण्यात आले आहे. अग्निशमन दलाच्या डझनभर गाड्या आणि बुलडोझरही घटनास्थळी आहेत (ANI Screengrab)
इतर गॅलरीज