Lunar eclipse : १०० वर्षानंतर होळीला चंद्रग्रहण; या ३ राशींचे नशीब चमकेल, नवीन संधी दारात येतील

हिंदू दिनदर्शिकेनुसार फाल्गुन पौर्णिमेच्या दुसऱ्या दिवशी होळीचा सण मोठ्या उत्साहात साजरा केला जातो. देशभरात होळी साजरी केली जाते. यंदा होळी चा सण २४ मार्चला तर धुलीवंदन २५ मार्चला साजरा होणार आहे. या दिवशी वर्षातील पहिले चंद्रग्रहण होणार आहे. १०० वर्षांनंतर होळीला चंद्रग्रहण लागणार आहे. या चंद्रग्रहणाचा प्रभाव सर्वाधिक ३ राशीच्या लोकांवर दिसेल. या कालावधीत त्यांना जास्तीत जास्त लाभ मिळतील.

ज्योतिषशास्त्रानुसार, वर्षातील पहिले चंद्रग्रहण पौर्णिमेला होईल, ज्याचा १२ राशींच्या जीवनावर परिणाम होईल. ग्रहणकाळात चंद्र कन्या राशीत असेल, या राशीत राहू आधीपासूनच आहे. अशा स्थितीत या दोन ग्रहांचा संयोग ३ राशीच्या लोकांसाठी भाग्यवान ठरू शकतो. जाणून घ्या या कोणत्या राशी आहेत.

मेष: 

होळीला होणारे ग्रहण मेष राशीच्या लोकांसाठी खूप भाग्यवान ठरणार आहे. या राशीच्या लोकांना त्यांच्या करिअरमध्ये यश मिळेल. व्यवसायासाठीही हा काळ खूप फायदेशीर आहे. व्यवसायात तुम्हाला चांगला फायदा होईल. कुटुंबात आनंदाचे वातावरण राहील. जमीन, इमारती आणि वाहने खरेदी करू शकता.

तूळ : 

तूळ राशीच्या लोकांसाठी हा काळ फायदेशीर ठरेल. सहकाऱ्यांचे सहकार्य मिळेल. कामात सुधारणा करण्याच्या नवीन संधी मिळतील. तुमची प्रलंबित कामे या महिन्यात पूर्ण होऊ शकतात. व्यावसायिकांनाही विशेष लाभ मिळण्याची शक्यता आहे. यावेळी तुम्ही काही नवीन काम सुरू करू शकता. आर्थिक लाभ होण्याची शक्यता आहे.

कुंभ : 

वर्षातील पहिले चंद्रग्रहण कुंभ राशीच्या लोकांसाठी चांगले परिणाम देईल. अविवाहितांना जोडीदार मिळू शकतो. सरकारी प्रकल्पांचा लाभ मिळेल. प्रदीर्घ प्रलंबित कामे पूर्ण होतील. आर्थिक लाभ होईल. कुटुंबातील सदस्यांमध्ये प्रेम वाढेल. विद्यार्थ्यांसाठी हा काळ चांगला आहे. धार्मिक कार्यात रुची राहील.