Worship Rules : भगवान शंकराची पूजा करताना कोणत्या वस्तूंचा वापर करू नये हे तुम्हाला माहीत आहे का?

सोमवार हा महादेवाला समर्पित आहे. या दिवशी भाविक महादेवाची मनोभावे पूजा करतात. भगवान शंकराची पूजा करताना काही गोष्टी वापरू नये असे सांगितले जाते. जाणून घ्या कोणत्या गोष्टी वापरू नये. 

तुळशी लक्ष्मीसाठी शुभ आहे. परंतु कोणत्याही कारणास्तव त्याचा उपयोग शिवपूजनासाठी करू नये. पूर्वीच्या जन्मात तुळशीचा जन्म वृंदा नावाच्या असुर कुळात झाला. एक कथा आहे की वृंदा शिवाचा द्वेष करू लागली कारण शिवाने तिचा नवरा जालंधराचा वध केला. त्यामुळे शिवाला तुळशी अर्पण करू नये.

भगवान शंकराची पूजा करताना शंख वाजवू नये आणि शंखाचा पाण्याने अभिषेक करू नये. शिवाची पूजा करताना शंख वापरण्यास मनाई आहे कारण त्यांनी शंकासुर राक्षसाचा वध केला होता अशी मान्यता आहे.

इतर देवतांच्या पूजेमध्ये हळदीकुंकवाला खूप महत्त्व आहे. परंतु भगवान शंकराच्या पूजेमध्ये हळदीकुंकवाचा वापर करू नये. कारण हळदी-कुंकवाचा उपयोग शुभ कामांसाठी करतात. पण पूजेसाठी वापरू नये. हिंदू स्त्रिया आपल्या पतीच्या दीर्घायुष्यासाठी कुंकू लावतात. परंतु शिवाचे एक रूप विनाशकारी असल्याचे मानले जाते. त्यामुळे भगवान शंकराची पूजा करताना त्याचा वापर करू नये असे म्हणतात. त्याऐवजी तुम्ही भस्म वापरू शकतात.

केशर, गुलाब अशी लाल फुले भगवान शंकराला अर्पण करू नयेत. हा रंग शिवाला प्रसन्न करण्याऐवजी उत्तेजित करणारा मानला जातो.

देवतेला केल्या जाणाऱ्या पंचामृत अभिषेकातही नारळ पाण्याचा वापर केला जातो. मात्र शिवासाठी नारळाचे पाणी वापरू नये. असे केल्याने अडथळे निर्माण होतात असे सांगितले जाते.

टीप : ही माहिती केवळ श्रद्धा आणि विविध माध्यमांवर आधारित आहे. अनुकरण करण्याआधी संबंधित क्षेत्रातील तज्ज्ञांचा सल्ला घ्यावा.