Liver Cancer: लिव्हर कॅन्सरच्या सुरुवातीलाच शरीरात दिसतात ५ लक्षण, दुर्लक्ष करणे पडेल महागात
Liver Cancer: लिव्हर कॅन्सरच्या सुरुवातीलाच शरीरात दिसतात ५ लक्षण, दुर्लक्ष करणे पडेल महागात
Dec 11, 2024 01:41 PM IST
Symptoms Of Liver Cancer: यकृताशी संबंधित लक्षणांकडे दुर्लक्ष करतात. ज्यामुळे यकृत खराब होणे आणि कर्करोग यांसारख्या गंभीर आजारांचा धोका वाढू शकतो. यकृताचा कर्करोग हा अतिशय गंभीर आणि वेगाने वाढणाऱ्या कर्करोगांपैकी एक आहे.
(1 / 6)
आजकाल खाण्यापिण्याच्या चुकीच्या सवयी आणि खराब जीवनशैलीमुळे लोकांमध्ये लिव्हर म्हणजेच यकृताशी संबंधित समस्या झपाट्याने वाढत आहेत. अनेकदा लोक यकृताशी संबंधित लक्षणांकडे दुर्लक्ष करतात. ज्यामुळे यकृत खराब होणे आणि कर्करोग यांसारख्या गंभीर आजारांचा धोका वाढू शकतो. यकृताचा कर्करोग हा अतिशय गंभीर आणि वेगाने वाढणाऱ्या कर्करोगांपैकी एक आहे. यकृताचा कर्करोग होतो तेव्हा यकृतातील असामान्य पेशी विभाजित होऊ लागतात आणि अनियंत्रितपणे वाढतात. (freepik)
(2 / 6)
हेपॅटोसेल्युलर कार्सिनोमा हा यकृताच्या कर्करोगाचा सर्वात सामान्य प्रकार आहे. जो मुख्य प्रकारच्या यकृत पेशींना प्रभावित करतो ज्याला हेपॅटोसाइट्स म्हणतात आणि हळूहळू इतर भागांमध्ये पसरू शकतात. याव्यतिरिक्त, इंट्राहेपॅटिक कोलांजिओकार्सिनोमा आणि हेपॅटोब्लास्टोमा हे यकृताच्या कर्करोगाचे कमी सामान्य प्रकार आहेत. यकृताचा कर्करोग झाल्यास शरीरात काही लक्षणे दिसतात. ही लक्षणे वेळीच ओळखली तर उपचार करणे शक्य होऊ शकते. चला, यकृताच्या कर्करोगाच्या लक्षणांबद्दल सविस्तर जाणून घेऊया -
(3 / 6)
पोटाच्या उजव्या बाजूला वेदना-यकृताच्या कर्करोगाच्या बाबतीत, पोटाच्या वरच्या उजव्या भागात वेदना किंवा जडपणा जाणवू शकतो. ही वेदना सौम्य ते तीव्र असू शकते. काहीवेळा ही वेदना पाठीवरही पसरते. अशी लक्षणे दिसल्यास ताबडतोब डॉक्टरांशी संपर्क साधा.
(4 / 6)
अचानक वजन कमी होणे-कोणत्याही उघड कारणाशिवाय अचानक वजन कमी होणे हे देखील यकृताच्या कर्करोगाचे लक्षण असू शकते. मुख्य म्हणजे बरोबर खाऊनही तुमचे वजन झपाट्याने कमी होत असेल तर त्याकडे दुर्लक्ष करू नये. अशा परिस्थितीत, आपण ताबडतोब डॉक्टरांचा सल्ला घ्या आणि स्वतःची तपासणी करा.
(5 / 6)
भूक न लागणे-यकृताच्या कर्करोगाच्या बाबतीत, रुग्णाला कमी भूक लागते आणि जेवायला आवडत नाही. थोडेसे खाल्ल्यानंतर पोट भरल्यासारखे वाटू लागले तर त्याकडे दुर्लक्ष करू नका. अशा परिस्थितीत, आपण ताबडतोब डॉक्टरांशी संपर्क साधावा जेणेकरुन वेळेवर उपचार करता येतील.
(6 / 6)
त्वचा आणि डोळ्यांचा पिवळसरपणा-त्वचा आणि डोळ्यातील पिवळसरपणा यकृताच्या कर्करोगाचे लक्षण असू शकते. वास्तविक, यकृत निकामी झाल्यामुळे शरीरातील बिलीरुबिनची पातळी वाढते. त्यामुळे त्वचेचा आणि डोळ्यांचा रंग पिवळा होतो. जर तुम्हाला लक्षणे दिसत असतील तर ताबडतोब तुमच्या आरोग्य तज्ज्ञांची मदत घ्या.
(7 / 6)
मळमळ आणि उलट्या-यकृताच्या कर्करोगाच्या बाबतीत, रुग्णाला वारंवार उलट्या आणि मळमळ जाणवू शकते. याव्यतिरिक्त, पोटात सूज येण्याची भावना देखील असू शकते. अशी लक्षणे दिसल्यास ताबडतोब आपल्या आरोग्य तज्ज्ञांचा सल्ला घ्या.
इतर गॅलरीज