Krishna Janmashtami 2024: अरे मनमोहना… ‘राधा’ बनून श्रीकृष्णाची साथ देणाऱ्या ‘या’ अभिनेत्री माहितीयत का?

कृष्णभक्त जन्माष्टमीची वर्षभर आतुरतेने वाट पाहत असतात. आज तो दिवस आला आहे. कृष्ण जन्माष्टमीचा आनंद सर्वत्र पाहायला मिळणार आहे. आज आम्ही तुम्हाला छोट्या पडद्यावर राधाची भूमिका साकारणाऱ्या अभिनेत्रींबद्दल सांगणार आहोत. ज्यांनी पडद्यावर राधा साकारली आणि त्या श्रीकृष्णाच्या प्रेमात मग्न झाल्या.

रामानंद सागर यांच्या 'श्री कृष्णा' या मालिकेत रेश्मा मोदीने राधाची भूमिका साकारली होती. या भूमिकेतून तिने सर्वांची मने जिंकली. रेश्मा ही रवीना टंडनची चुलत बहीण आहे. रेश्माचे मामा आणि रवीनाचे वडील हे बॉलिवूडचे प्रसिद्ध दिग्दर्शक आहेत.

रामानंद सागर यांच्या शोमध्ये श्वेता रस्तोगीने राधाची भूमिका साकारली होती. ती स्वप्नील जोशीसोबत झळकली होती.

अभिनेत्री शायनी दोशीने 'श्रीमद भागवत महापुराण'मध्ये राधाची भूमिका केली होती. यामध्ये रजनीश दुग्गलने शायनीसोबत कृष्णाची भूमिका साकारली होती.

टीव्ही अभिनेत्री मल्लिका सिंह ही राधा सर्वात लोकप्रिय आहे. 'राधाकृष्ण' या शोमध्ये तिची आणि अभिनेता सुमेधची जोडी खूप पसंत केली गेली होती.

अभिनेत्री चाहत पांडेने 'द्वारिकाधीश २' या टीव्ही शोमध्ये राधा राणीची भूमिका साकारली होती.

सुप्रसिद्ध टीव्ही अभिनेत्री पूजाने 'कहानी हमारी महाभारत की'मध्ये राधाची भूमिका साकारली आहे. यासोबतच पूजा 'देवों के देव महादेव'मधील पार्वतीच्या भूमिकेसाठीही ओळखली जाते.

कलर्स टीव्ही शो 'जय श्री कृष्णा'मध्ये वर्ती वघानीने राधा राणीची बालपणीची भूमिका साकारली होती.

छोटी राधा राणी म्हणजेच माही सोनी हिला कोणी कसे विसरू शकेल? माहीने 'परमावतार श्री कृष्ण'मध्ये राधाचे बाल रूप साकारले होते.