बोफोर्स, रणगाडे, क्षेपणास्त्र… ‘नो युअर आर्मी’ प्रदर्शनात भारतीय लष्कराचं शक्तिप्रदर्शन
बोफोर्स, रणगाडे, क्षेपणास्त्र… ‘नो युअर आर्मी’ प्रदर्शनात भारतीय लष्कराचं शक्तिप्रदर्शन
Jan 04, 2025 12:18 PM IST
- Know Your Army exhibition Pune : पुण्यात लष्करदिनानिमित्त नो युवर आर्मी प्रदर्शन भरवण्यात आलं आहे. या प्रदर्शनात विविध शस्त्रास्त्रांचं ठेवण्यात आली आहे. हे प्रदर्शन पुणेकरांसाठी विनामूल्य आहे. हे प्रदर्शन ५ तारखेपर्यंत सुरू राहणार असून लष्कराचं सामर्थ्य पुणेकरांना जवळून पाहता येणार आहे.
(1 / 7)
भारतीय लष्कराचा ‘आर्मी डे परेड’ कार्यक्रम १५ जानेवारी रोजी पुण्यात होणार आहे. भारतीय लष्कर दिनानिमित्त लष्कराच्या दक्षिण मुख्यालयातर्फे रॉयल वेस्टर्न इंडिया टर्फ क्लब अर्थात रेसकोर्स येथे ‘नो युअर आर्मी’ या प्रदर्शन आयोजित करण्यात आलं असून या प्रदरशांचं उद्घाटन मुख्यमंत्री देवेंद्र फडणवीस यांच्या शुक्रवारी हस्ते करण्यात आले.
(2 / 7)
आकाशात घोंघावणारे ड्रोन, मल्लखांबावर चित्तथरारक कसरती, रोबोटिक म्यूल आणि लष्कराचे प्रशिक्षित श्वान, कलरीपयट्टू-मार्शल आर्ट्सच्या लक्षवेधक सादरीकरण, हेलिकॉप्टरनी दिलेली सलामी, बंदुका, रणगाडे, क्षेपणास्त्र अशी विविध लष्करी सामग्री पाहण्यासाठी पुणेकरांनी गर्दी केली आहे.
(3 / 7)
या प्रसंगी दक्षिण मुख्यालयाचे प्रमुख लेफ्टनंट जनरल धीरज सेठ, खासदार डॉ. मेधा कुलकर्णी, आमदार सुनील कांबळे, उद्योजक पुनीत बालन या वेळी उपस्थित होते.
(4 / 7)
या वेळी देवेंद्र फडवणीस म्हणाले, लष्कर असे काम करतात याची माहिती पुणेकरांना मिळणार आहे. गेल्या काही वर्षांत भारताने आपल्या क्षमता चांगल्या प्रकारे विकसित केल्या आहेत. लष्करानेही विविध प्रकारच्या यंत्रणा विकसित केल्या आहेत. अंतर्गत आणि बाह्य सुरक्षेच्या दृष्टीने भारत सुरक्षित असून जमिनीवरून, आकाशातून किंवा समुद्र मार्गाने कोणताही हल्ला परतवून लावू शकतो, अशी क्षमता भारतीय सशस्त्र दलांकडे असल्याचे फडवणीस म्हणाले. (PTI)
(5 / 7)
युवकांना प्रेरणा देणे, त्यांना लष्करासोबत काम करण्यासाठी उद्युक्त करणे हा प्रदर्शनाचा उद्देश आहे. या प्रदर्शनाला जास्तीत जास्त नागरिकांनी लष्कर कशा पद्धतीने काम करतं याची अनुभूती घ्यावी असे देखील फडवणीस म्हणाले.
(6 / 7)
या प्रदरशांनात बोफोर्स तोफ, टी ९० रणगाडे, वज्र तोफा, आकाश क्षेपणास्त्र, पिनाका रॉकेट यंत्रणा या सारखे अनेक शस्त्र या प्रदर्शनात ठेवण्यात आले आहे.
(7 / 7)
पहिल्याच दिवशी या प्रदर्शनाला मोठ्या संखेने पुणेकरांनी भेट दिली. या ठिकाणी असलेल्या शस्त्रासोबत फोटो देखील पुणेकरांनी काढले.
(8 / 7)
भारतीय बनावटीचे तसेच परदेशी शस्त्र देखील या प्रदर्शनात ठेवण्यात आले आहे. ही सर्व शस्त्र पुणेकरांचे लक्ष वेधून घेत आहेत.
इतर गॅलरीज