पपई वर्षभर बाजारात उपलब्ध असते. पपईमध्ये काही पौष्टिक गुणधर्म असतात, म्हणून डॉक्टर दररोज एक वाटी पिकलेली पपई खाण्याचा सल्ला देतात. पण रिकाम्या पोटी पपई खाणे खूप फायदेशीर ठरते. ही पिकलेली पपई हृदयापासून त्वचेपर्यंत सर्वांनासाठी फायदेशीर असते.
हृदय निरोगी ठेवते: पपईचे नियमित सेवन केल्याने हृदयविकाराचा धोका कमी होतो. पपईमध्ये असलेले अँटीऑक्सिडंट्स, व्हिटॅमिन ए आणि सी कोलेस्टेरॉलची पातळी कमी करण्यास मदत करतात. त्यामुळे हृदय निरोगी राहते.
पचनक्रिया सुधारते: पपई भूक वाढण्याबरोबरच पोटही स्वच्छ ठेवते. पिकलेली पपई गॅस, छातीत जळजळ किंवा मूळव्याधाने ग्रस्त लोकांसाठी चांगले कार्य करते.
डोळे निरोगी ठेवतात: आजकाल प्रत्येकाला लहानपणापासून डोळ्यांची समस्या असते. रोज रिकाम्या पोटी पिकलेली पपई खाल्ल्यास डोळ्यांच्या समस्यांपासून सुटका मिळू शकते. पपईमधील व्हिटॅमिन ए डोळ्यांसाठी खूप फायदेशीर आहे.
कॅन्सरचा धोका कमी होतो: पपईमध्ये असलेले बीटा कॅरोटीन, फ्लेव्होनॉइड्स, ल्युटिन, क्रिप्टोक्सॅन्थिन शरीरासाठी खूप फायदेशीर असतात. या पोषक तत्वांमुळे फुफ्फुस आणि इतर कर्करोगाचा धोका कमी होतो.
केसांचे सौंदर्य वाढते: पपईमध्ये आंबट दही मिसळून केसांना लावल्याने केसांची मुळं मजबूत होतात. केसांची चमक टिकून राहण्यासोबतच उवांची समस्या दूर होईल.