Pure Ghee Test: तुम्ही खात असलेले तूप शुद्ध आहे ना? त्यात भेसळ असल्याचे कसे ओळखावे? जाणून घ्या
Pure Ghee Test: तुम्ही खात असलेले तूप शुद्ध आहे ना? त्यात भेसळ असल्याचे कसे ओळखावे? जाणून घ्या
Sep 30, 2024 10:20 PM IST
- Tips to Test Pure Ghee: तुम्ही दुकानातून तूप विकत घेता का? ते शुद्ध आहे की भेसळयुक्त हे कसे कळणार? जाणून घ्या.
(1 / 6)
काही दिवसांपूर्वी तिरुपती मंदिरात प्रसाद बनवण्यासाठी तुपाच्या शुद्धतेवर प्रश्नचिन्ह उपस्थित करण्यात आले होते. केवळ मंदिरच नव्हे, तर दैनंदिन जीवनातही या स्वादिष्ट पदार्थाच्या शुद्धतेवर ग्राहकांच्या मनात वारंवार प्रश्नचिन्ह निर्माण झाले आहे. बाजारात मिळणाऱ्या तुपात हानिकारक तेल आणि ट्रान्स फॅट्स असतात, ज्यामुळे शरीरातील कोलेस्टेरॉलची पातळी वाढते. तर आता जाणून घ्या तूप शुद्ध आहे की नाही हे कसे तपासावे.
(2 / 6)
भेसळयुक्त तूप नियमित खाल्ल्यास मधुमेह, लठ्ठपणा आणि कर्करोगासारखे आजार होऊ शकतात. शुद्ध तूप खाण्याचा उत्तम पर्याय म्हणजे ते घरी बनवणे. पण तशी संधी नसेल आणि बाजारातून तूप विकत घ्यायचं असेल तर काही स्टेप्सद्वारे तूप शुद्ध आहे की नाही हे तपासू शकता.
(3 / 6)
हातावर चोळणे: थोड्या प्रमाणात तूप घेऊन तळहातावर चोळा आणि १०-१५ मिनिटांनी त्याचा वास घ्या. शुद्ध तूप लवकर वितळते आणि कोणतेही अवशेष शिल्लक राहत नाही. भेसळयुक्त तूप पूर्णपणे वितळत नाही आणि शेवटी तेलकट भाग शिल्लक राहतो.
(4 / 6)
फ्रिजमध्ये ठेवा: तूप शुद्ध आहे की नाही हे पाहण्यासाठी एका भांड्यात थोडे तूप घेऊन फ्रिजमध्ये ठेवावे. शुद्ध तूप समप्रमाणात कडक होईल पण तूपात भेसळ केल्यास वर एक वेगळा थर तयार होईल.
(5 / 6)
आयोडीन चाचणी: शुद्ध तूपाची तपासणी करण्यासाठी एका भांड्यात थोड्या प्रमाणात तूप घेऊन त्यात थोड्या प्रमाणात आयोडीन घालावे. तूप शुद्ध असेल तर रंग बदलणार नाही आणि भेसळ केल्यास तो निळा किंवा जांभळा होईल.
(6 / 6)
साखरेची चाचणी: एक चमचा तूप आणि चिमूटभर साखर घेऊन गरम करा. तूप शुद्ध असेल तर रंग बदल किंवा बुडबुडा तयार होणार नाही. तूपात भेसळ केल्यास रंग गुलाबी किंवा लाल होईल आणि बुडबुडा तयार होईल.
इतर गॅलरीज