केकेआरचा धुव्वा उडवत गुजरात गुणतालिकेत अव्वल, विजय शंकरचे वादळी अर्धशतक
केकेआरचा धुव्वा उडवत गुजरात गुणतालिकेत अव्वल, विजय शंकरचे वादळी अर्धशतक
Apr 29, 2023 09:56 PM IST
- KKR Vs GT IPL 2023 : IPL 2023 च्या एका महत्त्वाच्या सामन्यात गुजरात टायटन्सने (GT) कोलकाता नाईट रायडर्सचा (KkR) ७ गडी राखून पराभव केला. शनिवारी (29 एप्रिल) ईडन गार्डन्सवर झालेल्या सामन्यात कोलकाताने गुजरातला विजयासाठी १८० धावांचे लक्ष्य दिले होते, जे त्यांनी १३ चेंडू राखून पूर्ण केले.
(1 / 5)
आयपीएल 2023 च्या ३९व्या सामन्यात गुजरात टायटन्सने कोलकाता नाईट रायडर्सचा सात गडी राखून पराभव केला. या सामन्यात कोलकाताने गुजरातला १८० धावांचे लक्ष्य दिले होते, जे गुजरातने १३ चेंडू राखून पूर्ण केले. गुजरातच्या विजयाचा हिरो विजय शंकर ठरला, त्याने २४ चेंडूत २ चौकार आणि ५ षटकारांसह नाबाद ५१ धावांची खेळी केली. (AFP)
(2 / 5)
तत्पूर्वी, १८० धावांचा पाठलाग करताना गुजरात टायटन्सची सुरुवात चांगली झाली. रिद्धिमान साहाने शुभमन गिलसह पहिल्या विकेटसाठी ४१ धावांची भागीदारी केली.(PTI)
(3 / 5)
आंद्रे रसेलने साहाला बाद करून ही भागीदारी संपुष्टात आणली. यानंतर हार्दिक पांड्या आणि शुभमन गिल यांच्यात दुसऱ्या विकेटसाठी ५० धावांची भागीदारी झाली. शुभमन गिल ४९ धावा (३५ चेंडू, ८ चौकार) करून सुनील नरेनचा बळी ठरला.(KolkataKnightRiders Twitter)
(4 / 5)
तत्पूर्वी, अफगाणिस्तानचा यष्टीरक्षक फलंदाज रहमानउल्ला गुरबाजने कोलकात्याकडून तुफानी खेळी खेळली. त्याने ३९ चेंडूत ८१ धावा केल्या. यादरम्यान गुरबाजने ७ षटकार आणि ५ चौकार लगावले.(IPL Twitter)
(5 / 5)
गुजरातकडून शमीने तीन विकेट घेतल्या. नूर अहमद आणि जोशुआ लिटल यांनी प्रत्येकी दोन गडी बाद केले. (PTI)
इतर गॅलरीज