जर तुम्ही आत्तापर्यंत बेकिंग सोडा आणि बेकिंग पावडरला एकच समजत असाल किंवा या दोघांमधील फरक जाणून न घेता त्यांचा वापर स्वयंपाकघरात करत असाल तर आधी हे वाचा. दोन्हीतील फरक कसा ओळखावा हे जाणून घ्या.
स्वयंपाकघरात बेकिंग सोडा आणि बेकिंग पावडरचे काय उपयोग आहेत? - बेकिंग सोडा आणि बेकिंग पावडर दोन्ही अन्नामध्ये खमीर म्हणून काम करतात. यामुळेच स्वयंपाकघरात त्यांचा वापर करताना अनेकदा लोक गोंधळून जातात.
बेकिंग सोडा आणि बेकिंग पावडरमधील फरक - बेकिंग सोडा सोडियम बायकार्बोनेटपासून बनवला जातो. तर बेकिंग पावडर बनवण्यासाठी ३ गोष्टी वापरल्या जातात - सोडियम बायकार्बोनेट, क्रिम ऑफ टार्ट आणि कॉर्न स्टार्च.
जर बेकिंग सोडा चुकून अन्नात जास्त प्रमाणात मिसळला तर ते अन्न कडू बनवू शकते आणि त्याचा रंग देखील बदलू शकतो. तर बेकिंग पावडरमध्ये असे काही नसते.
बेकिंग सोडा आणि बेकिंग पावडर कसे ओळखावे? - बेकिंग पावडरला टॅल्कम पावडरसारखा मऊ स्पर्श असतो तर बेकिंग सोड्याला मीठासारखा खडबडीत स्पर्श असतो.