Kia Syros: अनोख्या लूकसह किआ सिरॉसची भारतात एन्ट्री; बघताच क्षणी पसंत पडेल! पाहा फोटो
Kia Syros: अनोख्या लूकसह किआ सिरॉसची भारतात एन्ट्री; बघताच क्षणी पसंत पडेल! पाहा फोटो
- Kia Syros Pics: अनोख्या लूकसह किआ सिरॉस एसयूव्ही भारतीय बाजारात लॉन्च करण्यात आली आहे.
किआ सिरॉस एसयूव्ही भारतीय बाजारात दाखल झाली आहे. कंपनीने त्याची सुरुवातीची किंमत ९ लाख रुपयांपेक्षा कमी (एक्स-शोरूम) ठेवली आहे. ऑटोमेकर किआ इंडियाने नवीन किआ सिरोस लॉन्च करून मध्यम आणि कॉम्पॅक्ट एसयूव्ही श्रेणींमध्ये एक नवीन एसयूव्ही सेगमेंट सादर केली.
किआ सिरॉस एसयूव्ही चार व्हेरिएंटमध्ये लॉन्च करण्यात आली, ज्यात एचटीके, एचटीके प्लस, एचटीएक्स आणि एचटीएक्स प्लस यांचा समावेश आहे.
किआ सिरॉसमध्ये १.०-लिटर टर्बो पेट्रोल इंजिन आणि १.५-लिटर डिझेल इंजिन देण्यात आले आहे. टर्बो पेट्रोल इंजिन ११८ बीएचपी आणि १७२ एनएम पीक टॉर्क निर्माण करते. तर, डिझेल इंजिन ११५ बीएचपी पॉवर आणि २५० एनएम पीक टॉर्क निर्माण करते. दोन्ही इंजिन ६-स्पीड मॅन्युअल गिअरबॉक्ससह येतात. टर्बो पेट्रोलमध्ये ७-स्पीड ड्युअल-क्लच ऑटोमॅटिक युनिट मिळते. तर डिझेल इंजिनमध्ये ६-स्पीड टॉर्क कन्व्हर्टर ऑटोमॅटिक ट्रान्समिशन मिळते.
मॅन्युअल गिअरबॉक्ससह पेट्रोल इंजिनची इंधन कार्यक्षमता १८.२० किमी प्रति लिटर आहे. डिझेल इंजिन मॅन्युअल गिअरबॉक्ससह २०.७५ किमी प्रति लिटर आणि ऑटोमॅटिक ट्रान्समिशनसह १७.६५ किमी प्रति लिटर मायलेज देण्याचे आश्वासन देते.
किआने सिरॉस एसयूव्हीच्या केबिनला पूर्णपणे नवीन लेआउट दिले आहे. यात ३०-इंचाचा ट्रिनिटी पॅनोरॅमिक ड्युअल-स्क्रीन सेटअप आहे. ज्यामध्ये टचस्क्रीन इन्फोटेनमेंट डिस्प्ले आणि इन्स्ट्रुमेंट क्लस्टर आहे. जे ऑफ-सेंटर लोगोसह नवीन टू-स्पोक स्टीअरिंग व्हीलच्या अगदी मागे दिले आहे.
या कारमध्ये ग्राहकांना पॉवर ड्रायव्हर सीट, पुश बटण स्टार्ट/स्टॉप, मल्टी-झोन क्लायमेट कंट्रोल, एसी कंट्रोल्ससाठी सपोर्ट स्क्रीन, हरमन कार्डन साउंड सिस्टम, इलेक्ट्रॉनिक पार्किंग ब्रेक, ६०:४० स्प्लिट सीट, अ‍ॅम्बियंट लाइटिंग आणि बरेच काही समाविष्ट आहे.
किआने सिरॉसमध्ये सुरक्षिततेच्या दृष्टीने अनेक वैशिष्ट्ये देखील दिली आहेत. या एसयूव्हीमध्ये ब्रँडच्या फीचर्ससह ब्लाइंड स्पॉट मॉनिटरिंगसह ३६०-डिग्री कॅमेरा, सहा एअरबॅग्ज, हिल स्टार्ट असिस्ट, इलेक्ट्रॉनिक स्टेबिलिटी कंट्रोल, फ्रंट पार्किंग सेन्सर्स इत्यादी महत्त्वाच्या गोष्टी मिळत आहेत.
किआ सिरॉस ८ रंगांच्या पर्यायांमध्ये उपलब्ध आहे, ज्यामध्ये ग्लेशियर व्हाइट पर्ल, स्पार्कलिंग सिल्व्हर, प्यूटर ऑलिव्ह, इंटेंस रेड, फ्रॉस्ट ब्लू, ऑरोरा ब्लॅक पर्ल, इम्पीरियल ब्लू आणि ग्रॅव्हिटी ग्रे असे रंगाचा समावेश आहे.