Kawasaki Ninja 300: कावासाकी स्पोर्ट्स बाइकवर मिळणार ३० हजार रुपयांची सूट, जाणून घ्या किंमत

येत्या काही दिवसात नवी स्पोर्ट्स मोटरसायकल खरेदी करण्याचा विचार करत असाल तर तुमच्यासाठी आनंदाची बातमी आहे. कावासाकी इंडिया आपल्या धांसू निंजा ३०० वर डिसेंबर २०२४ मध्ये बंपर डिस्काउंट देत आहे. बाईकवाले या न्यूज वेबसाईटमध्ये प्रसिद्ध झालेल्या वृत्तानुसार, या काळात ग्राहकांना कावासाकी निंजा ३०० वर ३०,००० रुपयांची सूट मिळत आहे.

कंपनीच्या इतर मॉडेल्सप्रमाणेच निंजा ३०० वर ही सूट या महिन्याच्या अखेरपर्यंत किंवा स्टॉक संपेपर्यंत वैध आहे. कावासाकी निंजा ३०० मध्ये २९६ सीसीचे पॅरेलल-ट्विन लिक्विड-कूल्ड इंजिन आहे, जे ३८.८८ बीएचपीची जास्तीत जास्त पॉवर आणि २६.१ एनएमचा पीक टॉर्क जनरेट करते.

कावासाकी निंजा ३०० मध्ये अॅनालॉग आणि डिजिटल इंस्ट्रूमेंट कंसोल, उष्णता व्यवस्थापन तंत्रज्ञान, सुपरस्पोर्ट स्टाइल अॅल्युमिनियम फूटपेग, उंचावलेले हँडलबार, डिजिटल फ्यूल गेज, हॅलोजन हेडलाइट्स, एलईडी टेललाइट्स आणि लो फ्यूल इंडिकेटर आहेत.

बाजारात कावासिकी निंजा ३०० ची एक्स शोरूम किंमत भारतीय बाजारात ३.४३ लाख रुपये आहे.