Bollywood Actor : कधीकाळी मित्रांकडून पैसे उधार घ्यायचा कार्तिक आर्यन! आता कमावतोय कोट्यवधी रुपये

आज आम्ही तुम्हाला त्या अभिनेत्याबद्दल सांगणार आहोत, ज्याने छोट्या शहरातून मुंबईसारख्या मोठ्या शहरात येऊन केवळ नावच कमावले नाही, तर आज तो बॉलिवूड इंडस्ट्रीतील सर्वाधिक कमाई करणाऱ्या अभिनेत्यांपैकी एक आहे.

हा बॉलिवूड अभिनेता आहे कार्तिक आर्यन. कार्तिकने 'प्यार का पंचनामा' या चित्रपटातून बॉलिवूडमध्ये पदार्पण केले. या चित्रपटातील त्याच्या भूमिकेला चांगला प्रतिसाद मिळाला होता. पहिल्याच चित्रपटातून तो चांगलाच लोकप्रिय झाला होता.

मात्र, कार्तिकला 'प्यार का पंचनामा २' या चित्रपटातून लोकप्रियता मिळाली आणि त्यानंतर त्याचा 'सोनू के टीटू की स्वीटी' हा चित्रपट आला, ज्याने बॉक्स ऑफिसवरही खळबळ उडवून दिली.

'भूल भुलैया २' या चित्रपटानंतर कार्तिक बॉक्स ऑफिसवर गाजला. कार्तिकने अनेक अनोखे चित्रपटही केले आहेत. अलीकडेच एका मुलाखतीत कार्तिकने सांगितले की, त्याने एकदा मुंबईत अभ्यासासाठी कर्ज घेतले होते. तसेच, तो मित्रांकडून पैसे उधार मागून घ्यायचा.

यानंतर कार्तिकने काहीतरी करण्याचा विचार केला आणि ३ वर्षांच्या संघर्षानंतर अखेर कार्तिकला चित्रपटांमध्ये काम करण्याची संधी मिळाली.

आता कार्तिक त्याच्या आगामी 'तू मेरी में तेरा मैं तेरा तू मेरी' या चित्रपटासाठी मानधन म्हणून ५० कोटी रुपये घेत आहे.

कार्तिक आर्यनच्या एकूण संपत्तीबद्दल बोलायचे, तर त्यात मोठी उसळी झालेली पाहायला मिळत आहे. २०२२मध्ये कार्तिकची एकूण संपत्ती ४६ कोटी रुपये होती. पण अनेक ब्रँड एंडोर्समेंट्स आणि वाढत्या फीनंतर, पिंकविलानुसार अभिनेत्याची एकूण संपत्ती आता २५० कोटी रुपये आहे.

कार्तिककडे बीएमडब्ल्यू, मिनी कूपर आणि लॅम्बोर्गिनीसारख्या अनेक लक्झरी कार आहेत.